ಪಿ. ಲಂಕೇಶ್ ಪತ್ನಿ ಹಾಗೂ ಲೇಖಕಿ ಇಂದಿರಾ ಲಂಕೇಶ್ ವಿಧಿವಶ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಪಿ. ಲಂಕೇಶ್ ಪತ್ನಿ ಹಾಗೂ ಲೇಖಕಿ ಇಂದಿರಾ ಲಂಕೇಶ್ ವಿಧಿವಶ - ಗಣ್ಯರ ಸಂತಾಪ

ಬೆಂಗಳೂರು: ಕನ್ನಡದ ಪ್ರಸಿದ್ಧ ಸಾಹಿತಿ, ಪತ್ರಕರ್ತ ಹಾಗೂ ಲಂಕೇಶ್ ಪತ್ರಿಕೆಯ ಸಂಸ್ಥಾಪಕ ಪಿ. ಲಂಕೇಶ್ ಅವರ ಧರ್ಮಪತ್ನಿ ಇಂದಿರಾ ಲಂಕೇಶ್ ಜೂನ್ 15 ಸೋಮವಾರದಂದು ನಿಧನರಾಗಿದ್ದಾರೆ. ಪುತ್ರಿ ಗೌರಿ ಲಂಕೇಶ್ ನಿಧನದ ಬಳಿಕ ಕವಿತಾ ಲಂಕೇಶ್ ಅವರೊಂದಿಗೆ ಬೆಂಗಳೂರಿನಲ್ಲಿ ನೆಲೆಸಿದ್ದ ಇಂದಿರಾ ಲಂಕೇಶ್, ಇಂದು ವಿಧಿವಶರಾಗಿದ್ದಾರೆ.

ಪತಿಯ ಸಾಹಿತ್ಯಕ ಬದುಕಿಗೆ ಇಂದಿರಾ ಲಂಕೇಶ್ ಬೆನ್ನೆಲುಬಾಗಿ ನಿಂತಿದ್ದರು. ಅಷ್ಟೇ ಅಲ್ಲದೆ, ಅವರು ಸ್ವತಃ ಲೇಖಕಿ ಹಾಗೂ ಯಶಸ್ವಿ ಉದ್ಯಮಿಯಾಗಿಯೂ ಗುರುತಿಸಿಕೊಂಡಿದ್ದರು. 'ಹುಳಿಮಾವು ಮತ್ತು ನಾನು' ಎಂಬ ಆತ್ಮಕಥನಾತ್ಮಕ ಕಾದಂಬರಿಯನ್ನು ಬರೆದಿದ್ದ ಇಂದಿರಾ, ಅದರಲ್ಲಿ ತಮ್ಮ ಜೀವನದ ಏರಿಳಿತಗಳು ಮತ್ತು ಲಂಕೇಶ್ ಅವರೊಂದಿಗಿನ ಒಡನಾಟವನ್ನು ಮನಮುಟ್ಟುವಂತೆ ಹಂಚಿಕೊಂಡಿದ್ದರು.

ಪಿ. ಲಂಕೇಶ್ ಅವರು ವಿಶ್ವವಿದ್ಯಾಲಯದ ಕೆಲಸಕ್ಕೆ ರಾಜೀನಾಮೆ ನೀಡಿ ಆರ್ಥಿಕ ಸಂಕಷ್ಟದಲ್ಲಿದ್ದಾಗ, ಇಂದಿರಾ ಅವರು ಯಾವುದೇ ಪೂರ್ವ ಅನುಭವವಿಲ್ಲದಿದ್ದರೂ ಸ್ವಂತ ಉದ್ಯಮ (ಸೀರೆ ಅಂಗಡಿ) ಆರಂಭಿಸಿ ಕುಟುಂಬವನ್ನು ಮುನ್ನಡೆಸಿದ ದಿಟ್ಟ ಮಹಿಳೆಯಾಗಿದ್ದರು. ಅವರ ಈ ನಿರ್ಧಾರವು ಕುಟುಂಬಕ್ಕೆ ಆರ್ಥಿಕ ಸ್ಥಿರತೆಯನ್ನು ಒದಗಿಸಿತ್ತು.

Edited By :