ಶೀಘ್ರದಲ್ಲೇ ‘ಕಾದಲ್’ ಚಿತ್ರದ ಮೊದಲ ಹಾಡು' ಆಗಸ್ಟ್ ತಿಂಗಳಲ್ಲಿ ಪ್ರಾರಂಭವಾಗಲಿದೆ ಲವ್ ಜಾನರ್ ಸಿನಿಮಾ “ಕಾದಲ್”ನ ಚಿತ್ರೀಕರಣ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಶೀಘ್ರದಲ್ಲೇ ‘ಕಾದಲ್’ ಚಿತ್ರದ ಮೊದಲ ಹಾಡು' ಆಗಸ್ಟ್ ತಿಂಗಳಲ್ಲಿ ಪ್ರಾರಂಭವಾಗಲಿದೆ ಲವ್ ಜಾನರ್ ಸಿನಿಮಾ “ಕಾದಲ್”ನ ಚಿತ್ರೀಕರಣ

ಬೆಂಗಳೂರು: ಕನ್ನಡ ಚಿತ್ರರಂಗದಲ್ಲಿ ಪ್ರೇಮಕಥೆ ಹೊಂದಿರುವ ಹಲವಾರು ಚಿತ್ರಗಳು ತೆರೆಗೆ ಬಂದಿದ್ದು, ಪ್ರತಿಯೊಂದು ಚಿತ್ರವೂ ತನ್ನದೇ ಆದ ವಿಶಿಷ್ಟತೆಗೆ ಹೆಸರಾಗಿವೆ. ಇಂತಹ ಆಯ್ದ ಕಥೆಗಳ ಸಾಲಿಗೆ ಸೇರಬಹುದಾದ ಚಿತ್ರವೆಂದರೆ “ಕಾದಲ್”. ಇದು ಶುದ್ಧ ಪ್ರೇಮ ಕಥಾನಕವನ್ನೇ ಒಳಗೊಂಡಿದ್ದರೂ, ಅದನ್ನು ತೋರಿಸುವ ಶೈಲಿ ಮಾತ್ರ ಸ್ವಲ್ಪ ವಿಭಿನ್ನವಾಗಿದೆ.

ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ ಹಾಗೂ ನಿರ್ದೇಶನವನ್ನು ವಿಜಯ್ ಪ್ರಿಯಾ ಅವರು ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಸಂಭಾಷಣೆ ಬರೆಯುವ ಜವಾಬ್ದಾರಿ, “ಏಳು ಮಲೆ” ಚಿತ್ರದ ನಿರ್ದೇಶಕರೂ ಆಗಿರುವ ಪುನೀತ್ ರಂಗಸ್ವಾಮಿ ಅವರ ಮೇಲಿದೆ. ಸಂಗೀತ ವಿಭಾಗದಲ್ಲಿ ಹಿತನ್ ಹಾಸನ್ ಅವರ ಸಂಗೀತ ನಿರ್ದೇಶನದಲ್ಲಿ ಶ್ರವಣೀಯ ಹಾಡುಗಳು ಅಡಕವಾಗಿದ್ದು, ಮೊದಲ ಹಾಡಿನ ಪ್ರೋಮೊ ಈಗಾಗಲೇ ಬಿಡುಗಡೆಯಾಗಿದೆ. ಈ ಪ್ರೋಮೊಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪಾಸಿಟಿವ್ ಪ್ರತಿಕ್ರಿಯೆ ದೊರಕಿದೆ.

ಈ ಹಾಡುಗಳನ್ನು ಪುನೀತ್ ರಂಗಸ್ವಾಮಿ, ಭರ್ಜರಿ ಚೇತನ್ ಮತ್ತು ಗೌರಿ ಸುತ ರಚಿಸಿದ್ದಾರೆ. ರಾಜೇಶ್ ಆಚಾರ್ಯ ಛಾಯಾಗ್ರಹಣದ ಜವಾಬ್ದಾರಿಯನ್ನೂ ನಿರ್ವಹಿಸುತ್ತಿದ್ದು, ನೃತ್ಯ ಸಂಯೋಜನೆಗೆ ಸುಹಾಸ್ ಅಮೀನ್ ಕೈಹಿಡಿದಿದ್ದಾರೆ. ಎಚ್ ಆರ್. ಸುರೇಶ್ ಗೌಡ ರಾಮಾಂಜನಪ್ಪ ಹೆಣ್ಣೂರು ಅವರು ನಿರ್ಮಿಸುತ್ತಿರುವ ಈ ಚಿತ್ರವು ಆಗಸ್ಟ್‌ನಲ್ಲಿ ಶೂಟಿಂಗ್‌ಗೆ ಹೊರಟು, ನಾಯಕ-ನಾಯಕಿಯ ಹೆಸರು ಸೇರಿದಂತೆ ತಾರಾಬಳಗದ ವಿವರಗಳನ್ನು ಘೋಷಿಸಲು ನಿರ್ದೇಶಕರು ನಿರ್ಧರಿಸಿದ್ದಾರೆ.

Edited By :