VIDEO : ಕರ್ತವ್ಯಕ್ಕೆ ಹಾಜರಾದ ಮೊದಲ ದಿನವೇ ಬಸ್ಕಿ ತೆಗೆದ ಐಎಎಸ್ ಅಧಿಕಾರಿ - ವಿಡಿಯೋ ವೈರಲ್!
ಉತ್ತರಪ್ರದೇಶ: IAS ಅಧಿಕಾರಿಯೋರ್ವರು ಪ್ರತಿಭಟನಾ ನಿರತ ವಕೀಲರ ಮುಂದೆ ಕಿವಿಗಳನ್ನು ಹಿಡಿದುಕೊಂಡು ಬಸ್ಕಿ ತೆಗೆಯುವ ವಿಡಿಯೊ ವೈರಲ್ ಆಗಿದ್ದು, ಚರ್ಚೆಗೆ ಗ್ರಾಸವಾಗಿದೆ.
ಈ ವಿಡಿಯೋ ಉತ್ತರಪ್ರದೇಶದ ಶಹಜಹಾನ್‌ಪುರದ್ದಾಗಿದೆ. ಐಎಎಸ್ ಅಧಿಕಾರಿಯನ್ನು ರಿಂಕು ಸಿಂಗ್ ಎಂದು ಗುರುತಿಸಲಾಗಿದೆ. ರಿಂಕು ಸಿಂಗ್ ತಹಸಿಲ್‌ನಲ್ಲಿ ಸ್ವಚ್ಛತಾ ಕೊರತೆಯ ಹೊಣೆಹೊತ್ತು ಉಪ-ವಿಭಾಗೀಯ ಮ್ಯಾಜಿಸ್ಟ್ರೇಟ್ ಆಗಿ ನೇಮಕಗೊಂಡ ಮೊದಲ ದಿನವೇ ಬಸ್ಕಿ ತೆಗೆದಿದ್ದಾರೆ ಎಂದು ವರದಿಯಾಗಿದೆ.
ಮಂಗಳವಾರ, ಶಹಜಹಾನ್‌ಪುರದ ಪೊವಾಯನ್ ತಹಸಿಲ್‌ನ ಹೊಸ ಉಪ-ವಿಭಾಗೀಯ ಮ್ಯಾಜಿಸ್ಟ್ರೇಟ್ ಆಗಿ ರಿಂಕು ಸಿಂಗ್ ಅಧಿಕಾರ ವಹಿಸಿಕೊಂಡಿದ್ದರು. ಅವರು ಪಟ್ಟಣದಲ್ಲಿ ಪರಿಶೀಲನೆಗೆ ತೆರಳಿದ್ದಾರೆ. ಈ ವೇಳೆ ಸಾರ್ವಜನಿಕ ಶೌಚಾಲಯದ ಪಕ್ಕದಲ್ಲಿ ತೆರೆದ ಸ್ಥಳದಲ್ಲಿ ಮೂತ್ರ ವಿಸರ್ಜಿಸುತ್ತಿದ್ದವರಲ್ಲಿ ಬಸ್ಕಿ ತೆಗೆಸಿದ್ದಾರೆ.
ಇದಲ್ಲದೆ ಕೆಲವು ಶಾಲಾ ವಿದ್ಯಾರ್ಥಿಗಳ ಜೊತೆ ಪೋಷಕರು ಸುತ್ತಾಡುವುದನ್ನು ಗಮನಿಸಿ ಪೋಷಕರಿಗೆ ಬಸ್ಕಿ ತೆಗೆಯುವ ಶಿಕ್ಷೆಯನ್ನು ನೀಡಿದ್ದಾರೆ. ಅಧಿಕಾರಿಯ ಈ ಕ್ರಮವು ಕೆಲವು ವಕೀಲರ ಆಕ್ರೋಶಕ್ಕೆ ಕಾರಣವಾಗಿದೆ. ಅಧಿಕಾರಿಯ ನಡೆಯನ್ನು ಖಂಡಿಸಿ ಕೆಲ ವಕೀಲರು ಪ್ರತಿಭಟನೆ ನಡೆಸಿದ್ದಾರೆ.
ಪ್ರತಿಭಟನಾ ನಿರತ ವಕೀಲರನ್ನು ಭೇಟಿ ಮಾಡಿ ಅವರ ಜೊತೆ ರಿಂಕು ಸಿಂಗ್ ಮಾತುಕತೆಗೆ ಮುಂದ್ದಾಗಿದ್ದಾರೆ. ಸಾರ್ವಜನಿಕ ಸ್ವಚ್ಚತೆ ಕಾಪಾಡಲು ಈ ಶಿಕ್ಷೆಯನ್ನು ವಿಧಿಸಲಾಗಿದೆ ಎಂದು ಅವರು ವಕೀಲರಿಗೆ ಉತ್ತರಿಸಿದ್ದರು. ಈ ವೇಳೆ ವಕೀಲರು ಕಚೇರಿಯ ಆವರಣ ಕೊಳಕಾಗಿದೆ ಅದಕ್ಕೆ ನೀವು ಬಸ್ಕಿ ತೆಗೆಯುತ್ತೀರಾ ಎಂದು ಪ್ರಶ್ನಿಸಿದ್ದಾರೆ. ಈ ವೇಳೆ ರಿಂಕು ಸಿಂಗ್, ಹೌದು ಅದು ನನ್ನ ತಪ್ಪು ಎಂದು ಬಸ್ಕಿ ತೆಗೆದಿದ್ದಾರೆ ಎಂದು ಹೇಳಲಾಗಿದೆ.
PublicNext
30/07/2025 05:08 pm
ಸಂಬಂಧಿತ ಸುದ್ದಿ
LOADING...
