Trump Tariffs: ಭಾರತವು ಚೀನಾದಂತೆ ಸಂಪೂರ್ಣ ರಫ್ತನ್ನು ಅವಲಂಬಿಸಿಲ್ಲ, ನಮಗೆ ಬೇರೆ ಆಯ್ಕೆಗಳಿವೆ- ಶಶಿ ತರೂರ್
ನವದೆಹಲಿ: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಭಾರತದ ಮೇಲೆ 25% ಸುಂಕ ವಿಧಿಸಿರುವುದು ಭಾರತಕ್ಕೆ 'ಎಚ್ಚರಿಕೆಯಲ್ಲ, ಒಂದು ಅವಕಾಶವಾಗಿದೆ' ಎಂದು ಕಾಂಗ್ರೆಸ್ ಸಂಸದ ಶಶಿ ತರೂರ್ ಪ್ರತಿಪಾದಿಸಿದ್ದಾರೆ.
ಸಂಸತ್ ಭವನದ ಆವರಣದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಶಶಿ ತರೂರ್ ಅವರು, 'ಅಮೆರಿಕದ ಜೊತೆಗೆ ನಾವು ಹಲವು ದೇಶಗಳೊಂದಿಗೆ ಮಾತುಕತೆ ನಡೆಸುತ್ತಿದ್ದೇವೆ. ನಾವು EU ಜೊತೆ ಮಾತುಕತೆ ನಡೆಸುತ್ತಿದ್ದೇವೆ ಮತ್ತು ಈಗಾಗಲೇ UK ಜೊತೆ ಒಪ್ಪಂದ ಮಾಡಿಕೊಂಡಿದ್ದೇವೆ. ಭಾರತೀಯ ಉತ್ಪನ್ನಗಳು ಅಮೆರಿಕದ ಮಾರುಕಟ್ಟೆಯಲ್ಲಿ ಸ್ಪರ್ಧಿಸಲು ಸಾಧ್ಯವಾಗದಿದ್ದರೆ, ನಾವು ವ್ಯಾಪಾರಕ್ಕಾಗಿ ಇತರ ದೇಶಗಳತ್ತ ಗಮನಹರಿಸಲು ಪ್ರಾರಂಭಿಸಬಹುದು. ಭಾರತಕ್ಕೆ ಇನ್ನೂ ಇತರ ಆಯ್ಕೆಗಳಿವೆ ಮತ್ತು ಅದು ಅಮೆರಿಕದ ಮೇಲೆ ಮಾತ್ರ ಅವಲಂಬಿತವಾಗಿಲ್ಲ. ಇದು ಭಾರತದ ಬಲವಾಗಿದೆ' ಎಂದರು.
'ಅಮೆರಿಕ ಅಸಮಂಜಸ ಬೇಡಿಕೆಗಳನ್ನು ಇಟ್ಟರೆ, ಭಾರತವು ಇತರ ವ್ಯಾಪಾರ ಪಾಲುದಾರರನ್ನು ಹುಡುಕಬೇಕಾಗುತ್ತದೆ. ಅದು ಭಾರತದ ಶಕ್ತಿಯಾಗಿದೆ. ಭಾರತದ ಆರ್ಥಿಕತೆಯು ಚೀನಾದಂತೆ, ಸಂಪೂರ್ಣವಾಗಿ ರಫ್ತುಗಳ ಮೇಲೆ ಹೆಚ್ಚು ಅವಲಂಬಿತವಾಗಿಲ್ಲ. ನಮಗೆ ಉತ್ತಮ ಮತ್ತು ಬಲವಾದ ದೇಶೀಯ ಮಾರುಕಟ್ಟೆ ಇದೆ. ಸಾಧ್ಯವಾದಷ್ಟು ಉತ್ತಮ ಒಪ್ಪಂದ ಮಾಡಿಕೊಳ್ಳಲು ನಾವು ನಮ್ಮ ಸಂಧಾನಕಾರರಿಗೆ ಬಲವಾದ ಬೆಂಬಲವನ್ನು ನೀಡಬೇಕು. ಉತ್ತಮ ಒಪ್ಪಂದ ಮಾಡಿಕೊಳ್ಳಲು ಸಾಧ್ಯವಾಗದಿದ್ದರೆ, ನಾವು ಬೇರೆ ಆಯ್ಕೆಗಳ ಕಡೆಗೆ ಹೋಗಬೇಕಾಗಬಹುದು' ಎಂದು ತಿಳಿಸಿದರು.
PublicNext
01/08/2025 12:19 pm
ಸಂಬಂಧಿತ ಸುದ್ದಿ
LOADING...
