ಬೆಂಗಳೂರು ಜಲಸಮಸ್ಯೆಗೆ 'ನೀಲಿ ದಳ', AI ರೋಬೋ ಕ್ರಾಂತಿ : 28% ನೀರಿನ ನಷ್ಟಕ್ಕೆ ಬ್ರೇಕ್!
ಬೆಂಗಳೂರು ಜಲಮಂಡಳಿಯು (BWSSB) ಅಕ್ರಮ ನೀರಿನ ಸಂಪರ್ಕಗಳು ಮತ್ತು ಸೋರಿಕೆಗಳ ವಿರುದ್ಧ ಹೋರಾಡಲು ಎರಡು ಪ್ರಮುಖ ಆಯುಧಗಳಾದ 'ನೀಲಿ ದಳ' (Blue Force) ಮತ್ತು ರೋಬೋಟಿಕ್ ಎಐ (AI) ತಂತ್ರಜ್ಞಾನಕ್ಕೆ ಉಪಮುಖ್ಯಮಂತ್ರಿ ಡಿ. ಕೆ. ಶಿವಕುಮಾರ್ ಇಂದು ಚಾಲನೆ ನೀಡಿದರು.
ಈ ತಂತ್ರಜ್ಞಾನವು ದೇಶಕ್ಕೆ ಮಾದರಿಯಾಗಿದ್ದು, ಶುದ್ಧ ನೀರು ಒದಗಿಸುವ ಸರ್ಕಾರದ ಜವಾಬ್ದಾರಿಯನ್ನು ಎತ್ತಿಹಿಡಿಯುತ್ತದೆ ಎಂದು ಡಿಸಿಎಂ ಶ್ಲಾಘಿಸಿದರು. ಅಕ್ರಮ ಸಂಪರ್ಕ ಪಡೆದ ಯಾರೇ ಆಗಿರಲಿ, ಅವರ ಮೇಲೆ ನಿರ್ದಾಕ್ಷಿಣ್ಯವಾಗಿ ಕಾನೂನು ಕ್ರಮ ಜರುಗಿಸುವಂತೆ ಅವರು ಸೂಚಿಸಿದರು.
ರೋಬೋಟಿಕ್ ಎಐ ತಂತ್ರಜ್ಞಾನವು ಪೈಪ್ಲೈನ್ನೊಳಗಿನ ದೋಷಗಳನ್ನು ನಿಖರವಾಗಿ ಪತ್ತೆಹಚ್ಚಿ, ಅನಗತ್ಯ ರಸ್ತೆ ಅಗೆತಗಳನ್ನು ತಡೆಯುತ್ತದೆ ಮತ್ತು ಸಮಸ್ಯೆಗಳನ್ನು ಕೇವಲ 24 ಗಂಟೆಗಳೊಳಗೆ ಪರಿಹರಿಸಲು ಸಹಾಯ ಮಾಡುತ್ತದೆ. ಈ ವಿನೂತನ ಉಪಕ್ರಮಗಳು ಮಂಡಳಿಗೆ ಆಗುತ್ತಿದ್ದ ಶೇಕಡ 28ರಷ್ಟು ನೀರಿನ ನಷ್ಟವನ್ನು ಕಡಿತಗೊಳಿಸುವ ಗುರಿ ಹೊಂದಿವೆ ಎಂದು ಅಧ್ಯಕ್ಷ ಡಾ.ರಾಮ್ ಪ್ರಸಾದ್ ಮನೋಹರ್ ತಿಳಿಸಿದರು.
ಅಲ್ಲದೆ, ಈ ವಾರದಿಂದಲೇ ಕಾರ್ಯಾಚರಣೆ ಆರಂಭಿಸಲಿರುವ 16 'ನೀಲಿ ದಳ'ದ ತಂಡಗಳು, ಅಕ್ರಮ ಸಂಪರ್ಕಗಳನ್ನು ಪತ್ತೆಹಚ್ಚಿ ದಂಡ ವಿಧಿಸುವ ಅಥವಾ ಸಕ್ರಮಗೊಳಿಸುವ ಮೂಲಕ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಿವೆ. ಒಟ್ಟಾರೆಯಾಗಿ, ಈ ಕ್ರಮಗಳು ಬೆಂಗಳೂರಿನ ನಾಗರಿಕರಿಗೆ ವೇಗವಾಗಿ ಮತ್ತು ಪರಿಶುದ್ಧ ನೀರಿನ ಸೌಲಭ್ಯವನ್ನು ಒದಗಿಸುವ ಮಹತ್ವದ ಹೆಜ್ಜೆಯಾಗಿದೆ.
PublicNext
19/11/2025 09:19 pm
ಸಂಬಂಧಿತ ಸುದ್ದಿ
LOADING...
