ಸೋಲಾಪುರದಲ್ಲಿ ಮನ ಕಲಕುವ ದುರಂತ : ಬಾವಿಗೆ ಬಿದ್ದ ವಾಹನ, 6 ತಿಂಗಳ ಕಂದಮ್ಮ ಸೇರಿ 8 ಮಂದಿ ಸಾವು!

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಸೋಲಾಪುರದಲ್ಲಿ ಮನ ಕಲಕುವ ದುರಂತ : ಬಾವಿಗೆ ಬಿದ್ದ ವಾಹನ, 6 ತಿಂಗಳ ಕಂದಮ್ಮ ಸೇರಿ 8 ಮಂದಿ ಸಾವು!

ಮಹಾರಾಷ್ಟ್ರದ ಸೋಲಾಪುರ ಜಿಲ್ಲೆಯಲ್ಲಿ ಭೀಕರ ರಸ್ತೆ ಅಪಘಾತ ಸಂಭವಿಸಿದ್ದು, ಪಿಕ್-ಅಪ್ ವಾಹನವೊಂದು ಬಾವಿಗೆ ಉರುಳಿ ಬಿದ್ದ ಪರಿಣಾಮ ೧೪ ಜನರು ಮೃತಪಟ್ಟಿದ್ದಾರೆ. ಮಲ್ಶಿರಾಸ್ ತಾಲ್ಲೂಕಿನ ಮಾಸ್ವಾಡ್-ಪಂಢರಪುರ ರಸ್ತೆಯಲ್ಲಿ ನಡೆದ ಈ ದುರಂತದಲ್ಲಿ ಆರು ತಿಂಗಳ ಬಾಲಕಿ ಮತ್ತು ಎಂಟು ವರ್ಷದ ಬಾಲಕ ಸೇರಿ ಎಂಟು ಮಂದಿ ಸಾವನ್ನಪ್ಪಿದ್ದಾರೆ.

ಪ್ರಾಥಮಿಕ ವರದಿಗಳ ಪ್ರಕಾರ, ಮೃತಪಟ್ಟವರೆಲ್ಲರೂ ಪಂಢರಪುರ ತಾಲ್ಲೂಕಿನ ರಂಜನಿ ಗ್ರಾಮದವರಾಗಿದ್ದು, ಸಾಗರ್ ಚೌಗುಲೆ ಅವರ ಕುಟುಂಬ ಸದಸ್ಯರಾಗಿದ್ದಾರೆ. ಮಾಸ್ವಾಡ್‌ನಲ್ಲಿರುವ ದೇವಸ್ಥಾನಕ್ಕೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿ ಹಿಂತಿರುಗುತ್ತಿದ್ದಾಗ ತಂಡುಲ್ವಾಡಿ ಬಳಿ ಈ ಅಪಘಾತ ಸಂಭವಿಸಿದೆ.

ಮೂಲಗಳ ಪ್ರಕಾರ, ವಾಹನ ಉರುಳಿ ಬಿದ್ದ ಬಾವಿಗೆ ಯಾವುದೇ ರಕ್ಷಣಾತ್ಮಕ ತಡೆಗೋಡೆ (ಪ್ಯಾರಪೆಟ್) ಇರಲಿಲ್ಲ. ಉಪ-ಜಿಲ್ಲಾ ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ. ಸುಡ್ಕೆ ಮಾಹಿತಿ ನೀಡಿ, ಅಪಘಾತಕ್ಕೀಡಾದ ಪಿಕಪ್ ಟ್ರಕ್‌ನಲ್ಲಿ ಒಟ್ಟು 16 ಪ್ರಯಾಣಿಕರಿದ್ದರು. ಅವರಲ್ಲಿ ಎಂಟು ಮಂದಿ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಮೃತರೆಲ್ಲರೂ ಪಂಢರಪುರ ನಿವಾಸಿಗಳು ಎಂದು ದೃಢಪಡಿಸಿದ್ದಾರೆ.

ಇಂದುಬಾಯಿ ದಶರಥ್ ಭಾವು - ವಯಸ್ಸು 60, ಪೂಜಾ ಅಮೋಲ್ ಸಾತೋರ್ - ವಯಸ್ಸು 23, ಸಮರ್ಥ್ ಬಾಲಾಜಿ ಬಾವ್ಚೆ - ವಯಸ್ಸು 27, ಅಶ್ವಿನಿ ಸಂದೀಪ್ ಬಾವ್ಚೆ - ವಯಸ್ಸು 27 , ಸಂಸ್ಕಾರ್ ಸಂದೀಪ್ ಬಾವ್ಚೆ - ವಯಸ್ಸು 14, ಸಂಸ್ಕೃತಿ ಸಂದೀಪ್ ಬಾವ್ಚೆ - ವಯಸ್ಸು 14, ಪೂಜಾ ಬಾಲಾಜಿ ಬಾವ್ಚೆ - ಆರು ತಿಂಗಳು ಆರವ್‌ ಅಶೋಕ್ ಸಾತೋರ್ - ವಯಸ್ಸು 8 ವರ್ಷ ಎಂದು ತಿಳಿದು ಬಂದಿದೆ.

ಈ ದುರಂತಕ್ಕೆ ಎನ್‌ಸಿಪಿ (ಶರದ್ ಪವಾರ್ ಬಣ) ಶಾಸಕ ರೋಹಿತ್ ಪವಾರ್ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ. ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿರುವ ಅವರು, ಘಟನೆಯನ್ನು 'ತೀವ್ರ ನೋವಿನಿಂದ ಕೂಡಿದ, ದುರದೃಷ್ಟಕರ ಮತ್ತು ಮರಗಟ್ಟುವಿಕೆ' ಎಂದು ಬಣ್ಣಿಸಿದ್ದಾರೆ. ಮೃತರಿಗೆ ಹೃತ್ಪೂರ್ವಕ ಶ್ರದ್ಧಾಂಜಲಿ ಸಲ್ಲಿಸಿರುವ ಅವರು, ಬಲಿಪಶುಗಳ ಕುಟುಂಬಗಳ ದುಃಖದಲ್ಲಿ ಸರ್ಕಾರ ಭಾಗಿಯಾಗಬೇಕು ಮತ್ತು ಅಪಘಾತದ ಕಾರಣವನ್ನು ತನಿಖೆ ಮಾಡುವ ಜೊತೆಗೆ ತಕ್ಷಣವೇ ರಕ್ಷಣಾ ಕಾರ್ಯಾಚರಣೆಗಳಿಗೆ ನೆರವು ನೀಡಬೇಕು ಎಂದು ಆಗ್ರಹಿಸಿದ್ದಾರೆ.

ಸೋಲಾಪುರ ಜಿಲ್ಲಾ ಉಸ್ತುವಾರಿ ಸಚಿವ ಜಯಕುಮಾರ್ ಗೋರ್ ಈ ಘಟನೆ ಬಗ್ಗೆ ಪ್ರತಿಕ್ರಿಯಿಸಿ, ಭಕ್ತರ ಸಾವಿನ ಬಗ್ಗೆ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ. ಪೊಲೀಸರಿಂದ ಮಾಹಿತಿ ಸಂಗ್ರಹಿಸುತ್ತಿದ್ದು, ಬಾವಿಗೆ ಪ್ಯಾರಪೆಟ್ ಗೋಡೆ ಇತ್ತೇ ಎಂಬುದನ್ನು ಪರಿಶೀಲಿಸಿ, ಹೊಣೆಗಾರರ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಭರವಸೆ ನೀಡಿದ್ದಾರೆ.

Edited By :