ಚಿಕ್ಕಮಗಳೂರು: ಸರಣಿ ಅಪಘಾತ: ಅತಿವೇಗದ ಎರ್ಟಿಗಾ ಡಿಕ್ಕಿಯಾಗಿ ಸಾಲು ಸಾಲು ಕಾರುಗಳು ಜಖಂ
ಚಿಕ್ಕಮಗಳೂರು: ಮಾಗಡಿ ಗ್ರಾಮದ ಸರ್ಕಾರಿ ಶಾಲೆ ಬಳಿ ಅತಿವೇಗ ಹಾಗೂ ನಿರ್ಲಕ್ಷ್ಯದ ಚಾಲನೆಯಿಂದಾಗಿ ಭಾರಿ ಸರಣಿ ಅಪಘಾತವೊಂದು ಸಂಭವಿಸಿದೆ. ಮೊಹಮ್ಮದ್ ಇಸ್ಮಾಯಿಲ್ ಅಫ್ನಾನ್ ಎಂಬಾತ ಚಲಾಯಿಸುತ್ತಿದ್ದ ಎರ್ಟಿಗಾ ಕಾರು ಏಕಾಏಕಿ ನಿಯಂತ್ರಣ ತಪ್ಪಿ, ಎದುರಿನಿಂದ ಬರುತ್ತಿದ್ದ ಮಾರುತಿ ಬ್ರೆಝಾ, ಕಿಯಾ ಹಾಗೂ ಸೆಲೆರಿಯೊ ಕಾರುಗಳಿಗೆ ಒಂದರ ಹಿಂದೊಂದರಂತೆ ಸರಣಿ ಡಿಕ್ಕಿ ಹೊಡೆದಿದೆ ಎಂದು ಆರೋಪಿಸಲಾಗಿದೆ. ಈ ಡಿಕ್ಕಿಯ ರಭಸಕ್ಕೆ ಕಾರುಗಳು ತೀವ್ರವಾಗಿ ಜಖಂಗೊಂಡಿವೆ. ಅದೃಷ್ಟವಶಾತ್ ಸಾಲು ಸಾಲು ಕಾರುಗಳು ಜಖಂಗೊಂಡರೂ ಈ ಸರಣಿ ಅಪಘಾತದಲ್ಲಿ ಯಾರಿಗೂ ಯಾವುದೇ ರೀತಿಯ ಗಾಯಗಳಾಗಿಲ್ಲ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ. ಅತಿವೇಗ ಹಾಗೂ ಅಜಾಗರೂಕತೆಯಿಂದ ಕಾರು ಚಲಾಯಿಸಿ ವಾಹನಗಳಿಗೆ ಹಾನಿ ಉಂಟುಮಾಡಿದ ಎರ್ಟಿಗಾ ಕಾರು ಚಾಲಕನ ವಿರುದ್ಧ ಇದೀಗ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಪೊಲೀಸರು ಮುಂದಿನ ತನಿಖೆ ಕೈಗೊಂಡಿದ್ದಾರೆ.
Kshetra Samachara
02/11/2026 09:20 pm
ಸಂಬಂಧಿತ ಸುದ್ದಿ
LOADING...
