‘ರಾಮಾಯಣ’ ಪ್ರೀಮಿಯರ್‌ನಲ್ಲಿ ಅತ್ತೆ–ಸೊಸೆಯ ಮಿಂಚು: ನೀತು ಕಪೂರ್ ಜೊತೆ ಕಣ್ಮನ ಸೆಳೆದ ಆಲಿಯಾ ಭಟ್
ಮುಂಬೈ: ರಣಬೀರ್ ಕಪೂರ್ ಅಭಿನಯದ ಬಹುನಿರೀಕ್ಷಿತ 'ರಾಮಾಯಣ' ಚಿತ್ರದ ವಿಶೇಷ ಪ್ರದರ್ಶನ ಮುಂಬೈನಲ್ಲಿ ಅದ್ಧೂರಿಯಾಗಿ ನಡೆದಿದ್ದು, ಬಾಲಿವುಡ್‌ನ ತಾರಾಗಣ ಸಾಕ್ಷಿಯಾಯಿತು. ಈ ಸಮಾರಂಭದಲ್ಲಿ ನಟಿ ಆಲಿಯಾ ಭಟ್ ತಮ್ಮ ಅತ್ತೆ, ಹಿರಿಯ ನಟಿ ನೀತು ಕಪೂರ್ ಅವರೊಂದಿಗೆ ಒಟ್ಟಾಗಿ ಎಂಟ್ರಿ ಕೊಟ್ಟು ಎಲ್ಲರ ಗಮನ ಸೆಳೆದಿದ್ದಾರೆ.
ತಮ್ಮ ಪತಿ ರಣಬೀರ್ ಕಪೂರ್ ಅವರ ಬಹುನಿರೀಕ್ಷಿತ ಸಿನಿಮಾಗೆ ಬೆಂಬಲ ಸೂಚಿಸಲು ಆಗಮಿಸಿದ ಆಲಿಯಾ ಹಾಗೂ ಮಗನ ಯಶಸ್ಸಿಗೆ ಹಾರೈಸಲು ಬಂದ ನೀತು ಕಪೂರ್, ಇಬ್ಬರೂ ಜೊತೆಯಾಗಿ ರೆಡ್ ಕಾರ್ಪೆಟ್‌ನಲ್ಲಿ ಹೆಜ್ಜೆ ಹಾಕಿದರು. ಸಾಂಪ್ರದಾಯಿಕ ಹಾಗೂ ಆಕರ್ಷಕ ಶೈಲಿಯ ಉಡುಪಿನಲ್ಲಿ ಮುಗುಳ್ನಗುತ್ತಾ ಕ್ಯಾಮೆರಾ ಕಣ್ಣುಗಳಿಗೆ ಪೋಸ್ ನೀಡಿದ ಈ ಜೋಡಿ, ಪ್ರೀಮಿಯರ್‌ನ ಮೆರುಗನ್ನು ಮತ್ತಷ್ಟು ಹೆಚ್ಚಿಸಿತು.
ಅತ್ತೆ–ಸೊಸೆಯ ನಡುವಿನ ಆತ್ಮೀಯ ಬಾಂಧವ್ಯ ಮತ್ತು ಸ್ಟೈಲಿಶ್ ಲುಕ್‌ ಕಾರ್ಯಕ್ರಮದಲ್ಲಿ ಹಾಜರಿದ್ದ ಎಲ್ಲರ ಹುಬ್ಬೇರಿಸಿದ್ದು, ಸದ್ಯ ಇವರ ಫೋಟೋ ಹಾಗೂ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗುತ್ತಿವೆ. ನೆಟ್ಟಿಗರು ಕಪೂರ್ ಕುಟುಂಬದ ಈ ಅನ್ಯೋನ್ಯತೆಗೆ ಫಿದಾ ಆಗಿದ್ದು, ಪ್ರಶಂಸೆಯ ಮಹಾಪೂರವನ್ನೇ ಹರಿಸುತ್ತಿದ್ದಾರೆ.
PublicNext
04/11/2026 08:15 pm
ಸಂಬಂಧಿತ ಸುದ್ದಿ
LOADING...
