ಇರಾನ್ ಮೇಲಿನ ಅಮೆರಿಕದ 'ರೆಸ್ಕ್ಯೂ ಆಪರೇಷನ್' ಯಶಸ್ವಿ
ಬಾಗ್ದಾದ್/ತೆಹ್ರಾನ್ : ಇಡೀ ವಿಶ್ವವೇ ಕುತೂಹಲದಿಂದ ಗಮನಿಸುತ್ತಿದ್ದ ಇರಾನ್ ಮೇಲಿನ ಅಮೆರಿಕದ 'ರೆಸ್ಕ್ಯೂ ಆಪರೇಷನ್' ಯಶಸ್ವಿಯಾಗಿದೆ. ಶತ್ರುಗಳ ಮಧ್ಯೆಯೇ ಅಮೆರಿಕದ ಇಬ್ಬರೂ ಪೈಲಟ್ಗಳ ಸಾಹಸಮಯ ರಕ್ಷಣೆ ಯಶಸ್ವಿಯಾಗಿದ್ದು, ಅಮೆರಿಕಕ್ಕೆ ಇದು 'ಮಹಾ ಸಕ್ಸಸ್' ತಂದುಕೊಟ್ಟಿದೆ. ಇರಾನ್ ಪಡೆಗಳು ಹೊಡೆದುರುಳಿಸಿದ್ದ F-15E ಸ್ಟ್ರೈಕ್ ಈಗಲ್ ಯುದ್ಧ ವಿಮಾನದ ಎರಡನೇ ಪೈಲಟ್ನನ್ನೂ ಅಮೆರಿಕದ ವಿಶೇಷ ಪಡೆಗಳು (CSAR) ಯಶಸ್ವಿಯಾಗಿ ರಕ್ಷಿಸಿವೆ. ಈ ಮೂಲಕ ಸಾವಿನ ದವಡೆಗೆ ಸಿಲುಕಿದ್ದ ಇಬ್ಬರೂ ಅಮೆರಿಕನ್ ಸೈನಿಕರು ಈಗ ಸುರಕ್ಷಿತವಾಗಿದ್ದಾರೆ.
ವಿಮಾನ ಪತನಗೊಂಡಾಗ ಪ್ಯಾರಾಚೂಟ್ ಮೂಲಕ ಕೆಳಗಿಳಿದಿದ್ದ ಎರಡನೇ ಸಿಬ್ಬಂದಿಯನ್ನು ಅಮೆರಿಕದ ರಕ್ಷಣಾ ತಂಡವು ಪತ್ತೆಹಚ್ಚಿ, ಈಗ ಇರಾಕ್ನಲ್ಲಿರುವ ಅಮೆರಿಕದ ಮಿಲಿಟರಿ ನೆಲೆಗೆ ಸುರಕ್ಷಿತವಾಗಿ ತಲುಪಿಸಿದೆ. ಮೊದಲ ಪೈಲಟ್ ಅನ್ನು ಈಗಾಗಲೇ ರಕ್ಷಿಸಲಾಗಿತ್ತು.
ಈ ರಕ್ಷಣಾ ಕಾರ್ಯಾಚರಣೆಯು ಸುಲಭವಾಗಿರಲಿಲ್ಲ. ಪೈಲಟ್ಗಳನ್ನು ರಕ್ಷಿಸಲು ತೆರಳಿದ್ದ HH-60W ಹೆಲಿಕಾಪ್ಟರ್ ಮೇಲೆ ಇರಾನ್ ಪಡೆಗಳು ಭುಜದ ಮೇಲೆ ಇಟ್ಟು ಹಾರಿಸುವ ಕ್ಷಿಪಣಿಗಳ (MANPADS) ಮೂಲಕ ದಾಳಿ ನಡೆಸಿದ್ದವು. ಆದರೂ, ಪೈಲಟ್ಗಳ ಜಾಣ್ಮೆಯಿಂದ ಹೆಲಿಕಾಪ್ಟರ್ ಮತ್ತು ಅದರಲ್ಲಿದ್ದ ಸಿಬ್ಬಂದಿ ಕೂದಲೆಳೆ ಅಂತರದಲ್ಲಿ ಅಪಾಯದಿಂದ ಪಾರಾಗಿದ್ದಾರೆ.
ಈ ಕಾರ್ಯಾಚರಣೆಯ ಸಮಯದಲ್ಲಿ ಅಮೆರಿಕದ HC-130J ವಿಮಾನಗಳು ಇರಾನ್ನ ಯಾಸುಜ್ ಮತ್ತು ಖಾರ್ಕ್ ದ್ವೀಪಗಳ ಮೇಲೆ ರಡಾರ್ಗಳಿಗೆ ಸಿಗದಂತೆ ಅತ್ಯಂತ ಕೆಳಮಟ್ಟದಲ್ಲಿ ಹಾರಾಟ ನಡೆಸಿ ಇತಿಹಾಸ ನಿರ್ಮಿಸಿವೆ. ಇದು ಕಾರ್ಯಾಚರಣೆಯ ರಹಸ್ಯವನ್ನು ಕಾಪಾಡುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿತು.
ಬ್ರಿಟನ್ನ RAF ಲೇಕನ್ಹೀತ್ ಮೂಲದ ಈ ಪೈಲಟ್ಗಳು ಸುರಕ್ಷಿತವಾಗಿರುವ ಸುದ್ದಿ ಕೇಳಿ ಅಮೆರಿಕದ ಮಿಲಿಟರಿ ವಲಯದಲ್ಲಿ ನಿಟ್ಟುಸಿರು ಬಿಟ್ಟಿದೆ. 48ನೇ ಫೈಟರ್ ವಿಂಗ್ ಈ ಯಶಸ್ವಿ ಕಾರ್ಯಾಚರಣೆಗಾಗಿ ಸಂಭ್ರಮಿಸಿದೆ.
ಇರಾನ್ಗೆ ಮುಖಭಂಗ?
ಅಮೆರಿಕದ ಪೈಲಟ್ಗಳನ್ನು ಹಿಡಿದುಕೊಟ್ಟವರಿಗೆ ಇರಾನ್ ದೊಡ್ಡ ಮೊತ್ತದ ಬಹುಮಾನ ಘೋಷಿಸಿತ್ತು. ಆದರೆ, ಇರಾನ್ ಸೈನ್ಯ ಮತ್ತು ಸ್ಥಳೀಯ ಗುಂಪುಗಳ ಕಣ್ಣು ತಪ್ಪಿಸಿ ಅಮೆರಿಕ ತನ್ನ ಸೈನಿಕರನ್ನು ಯಶಸ್ವಿಯಾಗಿ ಕರೆತಂದಿರುವುದು ಇರಾನ್ಗೆ ದೊಡ್ಡ ಹಿನ್ನಡೆ ಹಾಗೂ ರಾಜಕೀಯ ಮುಖಭಂಗ ಎಂದು ವಿಶ್ಲೇಷಿಸಲಾಗುತ್ತಿದೆ.
PublicNext
04/04/2026 08:33 am
ಸಂಬಂಧಿತ ಸುದ್ದಿ
LOADING...
