ಒಡಿಶಾದಲ್ಲಿ ಕೂದಲೆಳೆಯ ಅಂತರದಲ್ಲಿ ತಪ್ಪಿದ ಭೀಕರ ಅಪಘಾತ : ಪುಟಾಣಿ ಪ್ರಾಣ ಉಳಿಸಿದ ಚಾಲಕನ ಸಮಯಪ್ರಜ್ಞೆ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಒಡಿಶಾದಲ್ಲಿ ಕೂದಲೆಳೆಯ ಅಂತರದಲ್ಲಿ ತಪ್ಪಿದ ಭೀಕರ ಅಪಘಾತ : ಪುಟಾಣಿ ಪ್ರಾಣ ಉಳಿಸಿದ ಚಾಲಕನ ಸಮಯಪ್ರಜ್ಞೆ

ರಸ್ತೆ ದಾಟುವಾಗ ಕಣ್ಣು-ಕಿವಿ ಎರಡೂ ಜಾಗೃತವಾಗಿರಬೇಕು ಎಂಬ ಹಿರಿಯರ ಮಾತು ಸುಮ್ಮನೆ ಹೇಳಿದ್ದಲ್ಲ. ನಮ್ಮ ಒಂದು ಸೆಕೆಂಡ್‌ನ ನಿರ್ಲಕ್ಷ್ಯ ಇಡೀ ಜೀವನವನ್ನೇ ಬಲಿ ಪಡೆಯಬಹುದು. ಇದಕ್ಕೆ ಸಾಕ್ಷಿ ಎಂಬಂತೆ, ಒಡಿಶಾದಲ್ಲಿ ಭೀಕರ ಅಪಘಾತವೊಂದು ಕೂದಲೆಳೆಯ ಅಂತರದಲ್ಲಿ ತಪ್ಪಿದ್ದು, ಈ ಘಟನೆ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.

ಒಡಿಶಾದ ಬಿಡುವಿಲ್ಲದ ರಸ್ತೆಯೊಂದರ ಬದಿಯಲ್ಲಿ ಪುಟ್ಟ ಹೆಣ್ಣುಮಗುವೊಂದು ನಿಂತಿತ್ತು. ಎದುರಿನಿಂದ ವೇಗವಾಗಿ ಬರುತ್ತಿದ್ದ ಮಹೀಂದ್ರಾ ವಾಹನವನ್ನು ಗಮನಿಸದ ಮಗು, ಹಠಾತ್ತನೆ ರಸ್ತೆ ದಾಟಲು ಓಡಿದೆ. ಮಗು ರಸ್ತೆಯ ಮಧ್ಯಕ್ಕೆ ಬರುತ್ತಿದ್ದಂತೆ, ಚಾಲಕನಿಗೆ ವಾಹನ ನಿಯಂತ್ರಿಸುವುದು ಅಸಾಧ್ಯ ಎನ್ನುವಂತಹ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಮಗು ಮತ್ತು ಮೃತ್ಯುವಿನಂತೆ ಬರುತ್ತಿದ್ದ ವಾಹನದ ನಡುವೆ ಇದ್ದದ್ದು ಕೇವಲ ಒಂದೇ ಒಂದು ಸೆಕೆಂಡ್ ಸಮಯ.

ಆದರೆ ಚಾಲಕನ ಅಸಾಧಾರಣ ಸಮಯಪ್ರಜ್ಞೆ ಹಾಗೂ ತಕ್ಷಣದ 'ಸಡನ್ ಬ್ರೇಕ್' ನಿರ್ಧಾರದಿಂದಾಗಿ ಮಗು ಯಾವುದೇ ಗಾಯಗಳಿಲ್ಲದೆ ಪವಾಡ ಸದೃಶವಾಗಿ ಪಾರಾಗಿದೆ. ಈ ಘಟನೆಯ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಚಾಲಕನ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಈ ಘಟನೆ ಕೇವಲ ಒಂದು ಅಪಘಾತದ ಮುನ್ಸೂಚನೆಯಷ್ಟೇ ಅಲ್ಲ, ಇಡೀ ಸಮಾಜಕ್ಕೆ ದೊಡ್ಡ ಎಚ್ಚರಿಕೆಯ ಗಂಟೆ. ನಿಮ್ಮ ಮಕ್ಕಳಿಗೆ ರಸ್ತೆ ದಾಟುವ ಕನಿಷ್ಠ ನಿಯಮಗಳನ್ನಾದರೂ ಕಲಿಸಿದ್ದೀರಾ? ಮಕ್ಕಳು ಹೊರಗಡೆ ಹೋಗುವಾಗ ಪೋಷಕರು ಅವರ ಮೇಲೆ ನಿಗಾ ಇಡುವುದು ಮತ್ತು ರಸ್ತೆ ಸುರಕ್ಷತೆಯ ಪಾಠಗಳನ್ನು ಹೇಳಿಕೊಡುವುದು ಇಂದಿನ ದಿನಗಳಲ್ಲಿ ಅತ್ಯಗತ್ಯವಾಗಿದೆ.

Edited By :