ತಾಯಿಯ ಹೆಸರಲ್ಲಿ ಮರದ ಉಡುಗೊರೆ! ಕಿಂಗ್ ಚಾರ್ಲ್ಸ್‌ಗೆ ಮೋದಿ ನೀಡಿದ ವಿಶೇಷ ಕಾಣಿಕೆ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ತಾಯಿಯ ಹೆಸರಲ್ಲಿ ಮರದ ಉಡುಗೊರೆ! ಕಿಂಗ್ ಚಾರ್ಲ್ಸ್‌ಗೆ ಮೋದಿ ನೀಡಿದ ವಿಶೇಷ ಕಾಣಿಕೆ

ನಾರ್ಫೋಕ್‌: ಯುನೈಟೆಡ್ ಕಿಂಗ್‌ಡಮ್ (UK) ಮತ್ತು ಭಾರತದ (India) ನಡುವಿನ ಸಮಗ್ರ ವ್ಯಾಪಾರ ಒಪ್ಪಂದ (FTA) ಅಂತಿಮಗೊಳಿಸುವ ಉದ್ದೇಶದಿಂದ ಲಂಡನ್ ಪ್ರವಾಸದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಗುರುವಾರ ನಾರ್ಫೋಕ್‌ನ ಸ್ಯಾಂಡ್ರಿಂಗ್‌ಹ್ಯಾಮ್‌ನಲ್ಲಿ ಕಿಂಗ್ ಚಾರ್ಲ್ಸ್ ಅವರನ್ನು ಭೇಟಿಯಾದರು.

ಈ ಸಂದರ್ಭದಲ್ಲಿ ಮೋದಿ ಅವರು ಕಿಂಗ್ ಚಾರ್ಲ್ಸ್ ಅವರಿಗೆ ವಿಶಿಷ್ಟವಾದ ಉಡುಗೊರೆಯೊಂದನ್ನು ನೀಡಿದ್ದಾರೆ. ತಾಯಿಯ ಹೆಸರಲ್ಲಿ ಹುರಿದುಂಬಿಸಿರುವ "ಏಕ್ ಪೆಡ್ ಮಾ ಕೆ ನಾಮ್" ಅಭಿಯಾನದಿಂದ ಪ್ರೇರಿತವಾಗಿ ಒಂದು ಮರವನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಈ ಅರ್ಥಪೂರ್ಣ ಉಡುಗೊರೆಗೆ ಕಿಂಗ್ ಚಾರ್ಲ್ಸ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಪ್ರಧಾನಿ ಮೋದಿ ಮತ್ತು ಕಿಂಗ್ ಚಾರ್ಲ್ಸ್ ಅವರು ಭಾರತ-ಯುಕೆ ದ್ವಿಪಕ್ಷೀಯ ಸಂಬಂಧಗಳ ಪ್ರಗತಿ, ಪರಿಸರ, ಆಯುರ್ವೇದ, ಯೋಗ ಮತ್ತು ಶ್ರೇಷ್ಠ ಜೀವನಶೈಲಿಗೆ ಉತ್ತೇಜನ ನೀಡುವ ಚಟುವಟಿಕೆಗಳ ಕುರಿತು ಚರ್ಚಿಸಿದರು ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ.

ವಿದೇಶಾಂಗ ವ್ಯವಹಾರಗಳ ವಕ್ತಾರ ರಣಧೀರ್ ಜೈಸ್ವಾಲ್ ಈ ಭೇಟಿಯ ವಿವರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ರಾಜಮನೆತನವು ಈ ಭೇಟಿಯ ಛಾಯಾಚಿತ್ರಗಳನ್ನು ಸಹ ಪ್ರಕಟಿಸಿದೆ. ರಾಜಮನೆತನದ ಪ್ರಕಾರ, ಈ ಮರ ಉಡುಗೊರೆ ಪರಿಸರ ಸಂರಕ್ಷಣೆಗೆ ಪ್ರಧಾನಿ ಮೋದಿ ಅವರು ನೀಡಿದ ಒತ್ತಿನ ಉಲ್ಲೇಖವಾಗಿದೆ.

Edited By :