ಸಮಷ್ಟಿಪುರ: ಟ್ಯೂಶನ್ ಶಿಕ್ಷಕನ ಜೊತೆ ಅನೈತಿಕ ಸಂಬಂಧ ಹೊಂದಿದ್ದ ವಿವಾಹಿತ ಮಹಿಳೆ ಆತನೊಂದಿಗೆ ಸೇರಿ ತನ್ನ ಗಂಡನನ್ನು ಕೊಲೆ ಮಾಡಿದ ಆರೋಪ ಕೇಳಿ ಬಂದಿದೆ. ಬಿಹಾರದ ಸಮಷ್ಟಿಪುರದಲ್ಲಿ ಈ ಘಟನೆ ನಡೆದಿದೆ. ಮೇಘಾಲಯದಲ್ಲಿ ನಡೆದ ರಾಜಾ ರಘುವಂಶಿ ಕೊಲೆಯನ್ನು ಇದು ನೆನಪಿಸುತ್ತದೆ. ಆದ್ರೆ ಈ ಘಟನೆಯಲ್ಲಿ ಮಹಿಳೆ ತನ್ನ ಪ್ರಿಯಕರನೊಂದಿಗೆ ಖಾಸಗಿತನದಲ್ಲಿ ಇದ್ದಾಗ ರೆಡ್ ಹ್ಯಾಂಡಾಗಿ ಸಿಕ್ಕಿಬಿದ್ದಿದ್ದಾಳೆ ಎನ್ನಲಾಗಿದೆ.

ಪೊಲೀಸರು ತನಿಖೆ ಆರಂಭಿಸಿದಾಗ 30 ವರ್ಷದ ಸೋನು ಕುಮಾರ್ ಎಂಬಾತನ ಮೃತದೇಹ ಅತನ ಮನೆಯಲ್ಲೆ ಪತ್ತೆಯಾಗಿದೆ. ದೇಹದ ಮೇಲೆ ಹಲವಾರು ಗಾಯದ ಗುರುತುಗಳು ಹಾಗೂ ರಕ್ತದ ಕಲೆ ಇರುವುದು ಕಾಣಿಸಿದೆ. ಈ ಬಗ್ಗೆ ತನಗೇನೂ ಗೊತ್ತಿಲ್ಲ ಎಂದು ಪತ್ನಿ ಸ್ಮಿತಾ ಹೇಳಿದ್ದಾಳೆ.

ಮದುವೆಯಾಗಿ ಐದು ವರ್ಷಗಳಾಗಿದ್ದ ಸೋನು ಕುಮಾರ್ ಹಾಗೂ ಸ್ಮಿತಾ ದೇವಿ ನಡುವೆ ಹೊಂದಾಣಿಕೆ ಇರಲಿಲ್ಲ. ಆಗಾಗ ಜಗಳ ಆಗುತ್ತಿತ್ತು ಎನ್ನಲಾಗಿದೆ. ಹೀಗಾಗಿ ಸ್ಮಿತಾ ದೇವಿ ಮಾಧೋವಿಶನ್‌ಪುರದಲ್ಲಿರುವ ತನ್ನ ತಾಯಿಯ ಮನೆಯಲ್ಲಿಯೇ ಇರಬೇಕೆಂದು ಒತ್ತಾಯಿಸಿದ್ದರಿಂದ ಆಗಾಗ ಜಗಳಗಳು ನಡೆಯುತ್ತಿದ್ದವು. ಗ್ರಾಮ ಪಂಚಾಯತಿ ದಂಪತಿ ರಾಜಿಮಾಡಿಕೊಂಡು ಖುಷಿಯಾಗಿರಿ ಎಂದು ಸಲಹೆ ನೀಡಿತ್ತು, ಇದರ ಪರಿಣಾಮವಾಗಿ ಅವರ ನಡುವೆ ಲಿಖಿತ ಒಪ್ಪಂದವೂ ಆಗಿತ್ತು.

ಕುಟುಂಬ ಸದಸ್ಯರ ಪ್ರಕಾರ, ಹರಿಓಂ ಎಂಬಾತ ಮಕ್ಕಳಿಗೆ ಪಾಠ ಮಾಡಲು ಸೋನು ಮನೆಗೆ ನಿತ್ಯ ಭೇಟಿ ನೀಡಲು ಪ್ರಾರಂಭಿಸಿದ ನಂತರ ಪರಿಸ್ಥಿತಿ ಹದಗೆಟ್ಟಿತ್ತು. ಒಂದು ಸಂಜೆ, ಸೋನು ಮನೆಗೆ ತಡವಾಗಿ ಬಂದಾಗ, ಟ್ಯೂಷನ್ ಶಿಕ್ಷಕರೊಂದಿಗೆ ತನ್ನ ಹೆಂಡತಿ ಕೆಟ್ಟ ಪರಿಸ್ಥಿತಿಯಲ್ಲಿ ಇರುವುದನ್ನು ನೋಡಿದ್ದರು. ತೀವ್ರ ವಾಗ್ವಾದ ನಡೆಯಿತು, ಮತ್ತು ಅವನು ಹರಿಓಮ್‌ಗೆ ಇನ್ನೆಂದೂ ಮನೆ ಕಡೆ ತಲೆ ಹಾಕಬೇಡ ಎಂದು ಎಚ್ಚರಿಕೆ ನೀಡಿದ್ದ ಎಂದು ಸೋನು ಕುಮಾರ್ ತಂದೆ ಪೊಲೀಸರಿಗೆ ತಿಳಿಸಿದ್ದಾರೆ.

ಹರಿಓಂ ಕೆಲವು ದಿನಗಳವರೆಗೆ ಭೇಟಿ ನೀಡುವುದನ್ನು ನಿಲ್ಲಿಸಿದರೂ, ಸೋನುವಿನ ಅಣ್ಣ ತನ್ನ ಮಕ್ಕಳಿಗೆ ಪಾಠ ಮಾಡಲು ಕರೆ ಮಾಡಿದಾಗ ಅವನು ಮತ್ತೆ ಆಕೆಯ ಸಂಪರ್ಕಕ್ಕೆ ಬಂದಿದ್ದಾನೆ. ಕೊಲೆಯಾದ ರಾತ್ರಿ, ಸೋನು ತನ್ನ ಆಟೋ ರಿಕ್ಷಾದಲ್ಲಿ ಪ್ರಯಾಣಿಕರನ್ನು ಕರೆದುಕೊಂಡು ಹೋಗಲು ಹೊರಗೆ ಹೋಗಿದ್ದ. ಆದರೆ ಮತ್ತೆ ಹಿಂತಿರುಗಲಿಲ್ಲ. ಮರುದಿನ ಬೆಳಗ್ಗೆ ಅವನ ಶವ ಮನೆಯಲ್ಲಿ ಪತ್ತೆಯಾಗಿತ್ತು.

ಸೋನುವಿನ ತಂದೆ ತನ್ನ ಸೊಸೆ ಸ್ಮಿತಾ ವಿರುದ್ಧ ತನ್ನ ಮಗನನ್ನು ಇಬ್ಬರು ಅಥವಾ ಮೂವರು ಇತರ ಜನರೊಂದಿಗೆ ಸೇರಿ ಕೊಲೆ ಮಾಡಿದ್ದಾರೆ ಎಂದು ಸ್ಪಷ್ಟ ಆರೋಪ ಮಾಡಿದ್ದಾರೆ. ಅದರಲ್ಲಿ ಅವರಲ್ಲಿ ಆಕೆಯ ಪ್ರಿಯಕರನೆಂದು ಹೇಳಲಾದ ವ್ಯಕ್ತಿಯೂ ಸೇರಿದ್ದಾರೆ. ಪೊಲೀಸರು ಸ್ಮಿತಾಳನ್ನು ವಿಚಾರಣೆಗಾಗಿ ವಶಕ್ಕೆ ಪಡೆದಿದ್ದಾರೆ. ಟ್ಯೂಷನ್ ಶಿಕ್ಷಕ ತಲೆಮರೆಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಸ್ಮಿತಾ ತಾನು ನಿರಪರಾಧಿ ಎಂದು ಹೇಳಿಕೊಂಡಿದ್ದಾರೆ, ಸೋನು ಕುಮಾರ್ ತಮ್ಮ ಮನೆಯೊಳಗೆ ಮೃತಪಟ್ಟಿರುವುದನ್ನು ನೋಡಿ ನನಗೂ ಆಘಾತವಾಗಿದೆ ಎಂದಿದ್ದಾಳೆ. ಅವರು ರಾತ್ರಿ 1 ಗಂಟೆಗೆ ಮನೆಗೆ ಬಂದಿದ್ದರು. ನಂತರ ನನ್ನೊಂದಿಗೆ ಜಗಳವಾಡಿದ್ದರು. ಅವರು ನಿತ್ಯ ಕುಡಿದು ಜಗಳವಾಡುತ್ತಿದ್ದರು. ನಂತರ ನಾನು ಮಲಗಲು ಹೋದೆ. ಬೆಳಗ್ಗೆ 4 ಗಂಟೆಗೆ ಎದ್ದಾಗ, ಶವ ಕಂಡಿತ್ತು. ತಕ್ಷಣ ನಾನೇ ಕರೆ ಮಾಡಿ ಎಲ್ಲರಿಗೂ ವಿಷಯ ತಿಳಿಸಿದ್ದೇನೆ. ರಾತ್ರಿ ಅವರು ಬಂದಾಗಲೇ ಶರ್ಟ್​​ ಮೇಲೆ ರಕ್ತ ಹಾಗೂ ಮಣ್ಣಿನ ಕಲೆ ಇತ್ತು ಎಂದಿದ್ದಾರೆ.

ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಚುರುಕುಗೊಳಿಸಿದ್ದಾರೆ. ವಿಧಿವಿಜ್ಞಾನ ವಿಜ್ಞಾನ ಪ್ರಯೋಗಾಲಯ (ಎಫ್‌ಎಸ್‌ಎಲ್) ತಂಡವನ್ನು ಸ್ಥಳಕ್ಕೆ ಕರೆಸಿದ್ದಾರೆ.