VIDEO: ಎಪ್ಸ್ಟೀನ್ ಜೊತೆ ಟ್ರಂಪ್ ಬಾಲಕಿಯರ ಬಗ್ಗೆ ಅಶ್ಲೀಲವಾಗಿ ಮಾತನಾಡಿದ್ದು ನಿಜನಾ? ಹಳೆಯ ವಿಡಿಯೋದಲ್ಲಿ ಏನಿದೆ?
ವಾಷಿಂಗ್ಟನ್: ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಕುಖ್ಯಾತ ಅಪರಾಧಿ ಜೆಫ್ರಿ ಎಪ್ಸ್ಟೀನ್ ಒಟ್ಟಿಗೆ ಇರುವ 1992ರ ಹಳೆಯ ವಿಡಿಯೋವೊಂದು ಈಗ ಮತ್ತೆ ಚರ್ಚೆಗೆ ಗ್ರಾಸವಾಗಿದೆ. ಆದರೆ, ಸಾಮಾಜಿಕ ಜಾಲತಾಣವಾದ ಎಕ್ಸ್ (X) ನಲ್ಲಿ ಹರಿದಾಡುತ್ತಿರುವ ಈ ವಿಡಿಯೋದಲ್ಲಿನ ಸಂಭಾಷಣೆಗಳು ಸಂಪೂರ್ಣ ನಕಲಿ ಎಂಬ ಸತ್ಯಾಂಶ ಹೊರಬಂದಿದೆ.
1992ರಲ್ಲಿ ಎನ್ಬಿಸಿ (NBC) ವಾಹಿನಿ ಚಿತ್ರೀಕರಿಸಿದ್ದ ಈ ವಿಡಿಯೋ ಟ್ರಂಪ್ ಅವರ ಮಾರ್-ಎ-ಲಾಗೋ ರೆಸಾರ್ಟ್ನಲ್ಲಿ ನಡೆದ ಪಾರ್ಟಿಯದ್ದಾಗಿದೆ. ಮೂಲ ವಿಡಿಯೋದಲ್ಲಿ ಟ್ರಂಪ್ ಅವರು ಅಲ್ಲಿಗೆ ಬಂದಿದ್ದ 'ಬಫಲೋ ಬಿಲ್ಸ್' ತಂಡದ ಚಿಯರ್ ಲೀಡರ್ ಒಬ್ಬರ ಬಗ್ಗೆ "ನೋಡು, ಅವಳು ತುಂಬಾ ಸುಂದರವಾಗಿದ್ದಾಳೆ" ಎಂದು ಎಪ್ಸ್ಟೀನ್ ಜೊತೆ ಮಾತನಾಡುತ್ತಿರುವುದು ದಾಖಲಾಗಿದೆ. ಈ ಸಂಭಾಷಣೆಯು ವಯಸ್ಕ ಮಹಿಳೆಯರ ಬಗ್ಗೆ ಇತ್ತೇ ಹೊರತು ಅಪ್ರಾಪ್ತರ ಬಗ್ಗೆ ಆಗಿರಲಿಲ್ಲ.
ಸದ್ಯ ವೈರಲ್ ಆಗಿರುವ 26 ಸೆಕೆಂಡ್ಗಳ ವಿಡಿಯೋದಲ್ಲಿ ಕೃತಕ ಬುದ್ಧಿಮತ್ತೆ (AI) ಬಳಸಿ ಟ್ರಂಪ್ ಧ್ವನಿಯನ್ನು ಬದಲಾಯಿಸಲಾಗಿದೆ. ಇದರಲ್ಲಿ ಅವರು ಅಪ್ರಾಪ್ತ ಬಾಲಕಿಯರ ಬಗ್ಗೆ ಅಶ್ಲೀಲವಾಗಿ ಮಾತನಾಡುತ್ತಿದ್ದಾರೆ ಎಂಬಂತೆ ಬಿಂಬಿಸಲಾಗಿದೆ. 70 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿರುವ ಈ ನಕಲಿ ವಿಡಿಯೋ, ಟ್ರಂಪ್ ವಿರುದ್ಧ ಅಪಪ್ರಚಾರ ನಡೆಸಲು ಸೃಷ್ಟಿಸಲಾಗಿದೆ ಎಂದು ತನಿಖೆಯಿಂದ ತಿಳಿದುಬಂದಿದೆ.
ಟ್ರಂಪ್ ಮತ್ತು ಎಪ್ಸ್ಟೀನ್ ದಶಕಗಳ ಹಿಂದೆ ಪರಿಚಯಸ್ಥರಾಗಿದ್ದರು ಎಂಬುದು ನಿಜ. ಆದರೆ, 2007ರ ಸುಮಾರಿಗೆ ಎಪ್ಸ್ಟೀನ್ ತನ್ನ ರೆಸಾರ್ಟ್ನ ಸಿಬ್ಬಂದಿಯೊಂದಿಗೆ ಅಸಭ್ಯವಾಗಿ ವರ್ತಿಸಿದ ಕಾರಣಕ್ಕಾಗಿ ಟ್ರಂಪ್ ಆತನನ್ನು ತಮ್ಮ ಆಸ್ತಿಯಿಂದ ಬ್ಯಾನ್ ಮಾಡಿದ್ದರು ಮತ್ತು ಅಂದಿನಿಂದಲೇ ಅವರ ಸಂಬಂಧ ಕಡಿದುಹೋಗಿತ್ತು ಎಂದು ವರದಿಗಳು ಖಚಿತಪಡಿಸಿವೆ.
PublicNext
04/02/2026 07:44 pm
ಸಂಬಂಧಿತ ಸುದ್ದಿ
LOADING...
