76ರ ನಾನಾ ಪಾಟೇಕರ್ ಫಿಟ್ನೆಸ್ಗೆ ಬೆರಗು: ಯುವಕರಿಗೂ ಸ್ಪೂರ್ತಿ!
ಖ್ಯಾತ ನಟ ನಾನಾ ಪಾಟೇಕರ್ ತಮ್ಮ 76ನೇ ವಯಸ್ಸಿನಲ್ಲಿಯೂ ಅದ್ಭುತ ಫಿಟ್ನೆಸ್ ಕಾಯ್ದುಕೊಂಡಿದ್ದಾರೆ ಎಂಬುದಕ್ಕೆ ಸಾಕ್ಷಿಯಾಗಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಛಾಯಾಗ್ರಾಹಕ ಹಾಗೂ ನಿರ್ಮಾಪಕ ಅತುಲ್ ಕಸ್ಬೇಕರ್ ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಅದರಲ್ಲಿ ನಾನಾ ಪಾಟೇಕರ್ ಅವರು ಬೆವರು ಸುರಿಸದೆ, ಅತ್ಯಂತ ಸುಲಭವಾಗಿ 15 ಟ್ರೈಸೆಪ್ ಡಿಪ್ಸ್ಗಳನ್ನು ಮಾಡುತ್ತಿರುವುದು ಕಂಡುಬಂದಿದೆ. 76ರ ಇಳಿವಯಸ್ಸಿನಲ್ಲೂ ಇಂತಹ ದೈಹಿಕ ಸಾಮರ್ಥ್ಯವನ್ನು ಪ್ರದರ್ಶಿಸಿರುವ ನಾನಾ ಪಾಟೇಕರ್ ಅವರ ಫಿಟ್ನೆಸ್ಗೆ ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ನೆಟ್ಟಿಗರಿಂದ ವ್ಯಾಪಕ ಮೆಚ್ಚುಗೆ
ಅತುಲ್ ಕಸ್ಬೇಕರ್ ವಿಡಿಯೋ ಜೊತೆಗೆ, "ನಾನಾ ಸಾಹೇಬ್! ನೀವು ನನ್ನ ಫಿಟ್ನೆಸ್ ಗುರಿಗಳನ್ನು ಮರುಹೊಂದಿಸುವಂತೆ ಮಾಡಿದ್ದೀರಿ... ಅವರಿಗೆ 76 ವರ್ಷ. ಅವರು ಬಾರ್ಗಳ ಮೇಲೆ ಟ್ರೈಸೆಪ್ ಡಿಪ್ಸ್ ಮಾಡುತ್ತಿದ್ದಾರೆ... ಎಂತಹ ದಂತಕಥೆ!" ಎಂದು ಬರೆದುಕೊಂಡಿದ್ದಾರೆ. ಈ ವಿಡಿಯೋವನ್ನು ನೋಡಿದ ಸಾಮಾಜಿಕ ಮಾಧ್ಯಮ ಬಳಕೆದಾರರು, "76ನೇ ವಯಸ್ಸಿನಲ್ಲಿ ಇದು ಅದ್ಭುತವಾಗಿದೆ" ಎಂದು ಮೆಚ್ಚುಗೆಯ ಸುರಿಮಳೆಗೈದಿದ್ದಾರೆ.
PublicNext
01/05/2026 02:34 pm
ಸಂಬಂಧಿತ ಸುದ್ದಿ
LOADING...
