ಅಥಣಿ : ಮಾನವೀಯತೆ ಮರೆತ ಮಾತೃಹೃದಯವೇ? ಬೀದಿ ನಾಯಿಗಳ ಪಾಲಾದ ಹಸುಗೂಸು!

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಅಥಣಿ : ಮಾನವೀಯತೆ ಮರೆತ ಮಾತೃಹೃದಯವೇ? ಬೀದಿ ನಾಯಿಗಳ ಪಾಲಾದ ಹಸುಗೂಸು!

ಅಥಣಿ : ಹೆತ್ತ ಕರುಳಿನ ಕುಡಿಯನ್ನು ಬೀದಿಪಾಲು ಮಾಡಿದ ಅಮಾನವೀಯ ಘಟನೆ ಅಥಣಿ ಪಟ್ಟಣದ ಹೊರವಲಯದಲ್ಲಿ ಬೆಳಕಿಗೆ ಬಂದಿದೆ. ನವಜಾತ ಶಿಶುವೊಂದನ್ನು ಕಾಗವಾಡ ರಸ್ತೆಯ ಪಕ್ಕದಲ್ಲಿ ಎಸೆದು ಹೋಗಿದ್ದು, ಬೀದಿ ನಾಯಿಗಳು ಮಗುವಿನ ದೇಹವನ್ನು ಎಳೆದಾಡುತ್ತಿದ್ದ ಹೃದಯವಿದ್ರಾವಕ ಘಟನೆ ಸ್ಥಳೀಯರನ್ನು ಬೆಚ್ಚಿಬೀಳಿಸಿದೆ.

ಅಥಣಿ ಪಟ್ಟಣದ ಕಾಗವಾಡ ರಸ್ತೆಯ ಪಕ್ಕದಲ್ಲಿ ಬೀದಿ ನಾಯಿಗಳು ಯಾವುದೋ ವಸ್ತುವನ್ನು ಎಳೆದಾಡಿ ತಿನ್ನುತ್ತಿರುವುದನ್ನು ಗಮನಿಸಿದ ಸ್ಥಳೀಯರು ಅನುಮಾನಗೊಂಡು ಪರಿಶೀಲಿಸಿದ್ದಾರೆ. ಈ ವೇಳೆ ಮಗುವಿನ ತಲೆ ಹಾಗೂ ಒಂದು ಕಾಲು ಕಾಣಿಸಿಕೊಂಡಿದ್ದು, ಇದು ನವಜಾತ ಶಿಶುವಿನ ದೇಹವೆಂಬುದು ತಿಳಿದುಬಂದಿದೆ. ತಕ್ಷಣವೇ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಮಾಹಿತಿ ತಿಳಿಯುತ್ತಿದ್ದಂತೆ ಅಥಣಿ ಪೊಲೀಸರು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದ್ದಾರೆ. ಸ್ಥಳಕ್ಕೆ ಭೇಟಿ ನೀಡಿದ ಪೊಲೀಸ್ ಇನ್‌ಸ್ಪೆಕ್ಟರ್ ಲಕ್ಕಪ್ಪ ಅಗ್ನಿ ಅವರು ಪ್ರಕರಣದ ಕುರಿತು ಮುಂದಿನ ತನಿಖೆ ಕೈಗೊಂಡಿದ್ದಾರೆ. ಮಗುವನ್ನು ಯಾರು, ಯಾವ ಕಾರಣಕ್ಕಾಗಿ ಇಲ್ಲಿ ಬಿಸಾಡಿದ್ದಾರೆ ಎಂಬುದು ತನಿಖೆಯಿಂದ ತಿಳಿದುಬರಬೇಕಿದೆ.

ಹೆತ್ತ ಕರುಳಿನ ಕಂದಮ್ಮಕ್ಕೆ ಬದುಕುವ ಅವಕಾಶವನ್ನೇ ನೀಡದೆ ಬೀದಿ ನಾಯಿಗಳ ಪಾಲು ಮಾಡಿದವರು ಯಾರು? ತಾಯ್ತನದ ಮಮತೆಯನ್ನೇ ಪ್ರಶ್ನಿಸುವ ಈ ಘಟನೆ ನಾಗರಿಕ ಸಮಾಜ ತಲೆತಗ್ಗಿಸುವಂತೆ ಮಾಡಿದೆ.

Edited By :

PublicNext

02/11/2026 07:37 am

ಅಥಣಿ : ಮಾನವೀಯತೆ ಮರೆತ ಮಾತೃಹೃದಯವೇ? ಬೀದಿ ನಾಯಿಗಳ ಪಾಲಾದ ಹಸುಗೂಸು!

ಸಂಬಂಧಿತ ಸುದ್ದಿ

‘ರಾಮಾಯಣ’ ಪ್ರೀಮಿಯರ್‌ನಲ್ಲಿ ಅತ್ತೆ–ಸೊಸೆಯ ಮಿಂಚು: ನೀತು ಕಪೂರ್ ಜೊತೆ ಕಣ್ಮನ ಸೆಳೆದ ಆಲಿಯಾ ಭಟ್

ದೀಪಾವಳಿ ಪಾರ್ಟಿಯಲ್ಲಿ ಉರ್ಫಿ ಜಾವೇದ್ 'ಫ್ಯಾಷನ್ ಧಮಾಕಾ': ನಯಾ ಲುಕ್‌ಗೆ ಬೆರಗಾದ ನೆಟ್ಟಿಗರು

ಬೆಳಗಾವಿ: ₹2.68 ಕೋಟಿ ದರೋಡೆ ಕೇಸ್; ನಾಲ್ಕೇ ದಿನಗಳಲ್ಲಿ ಭೇದಿಸಿದ ಮೂಡಲಗಿ ಪೊಲೀಸರು

ಹಸುಗಳನ್ನು ಸಾಗಿಸುತ್ತಿದ್ದ ಗೂಡ್ಸ್ ವಾಹನ ಪಲ್ಟಿ; ಒಂದು ಹಸು ಸಾವು, ನಾಲ್ಕಕ್ಕೆ ಗಾಯ

ಪಬ್ಲಿಕ್ ನೆಕ್ಸ್ಟ್‌ನ ಬೆಳವಣಿಗೆಯ ಹಾದಿಯಲ್ಲಿ ಮತ್ತೊಂದು ಮೈಲಿಗಲ್ಲು – ನೂತನ ಕಚೇರಿಯ ಶುಭಾರಂಭ!

‘ರಾಮಾಯಣ’ ಪ್ರೀಮಿಯರ್‌ನಲ್ಲಿ ಅತ್ತೆ–ಸೊಸೆಯ ಮಿಂಚು: ನೀತು ಕಪೂರ್ ಜೊತೆ ಕಣ್ಮನ ಸೆಳೆದ ಆಲಿಯಾ ಭಟ್

ಬೆಳಗಾವಿ : ಪ್ರೀತಿಯ ನಂಬಿಕೆಗೆ ಸಿಕ್ಕಿದ್ದು ಸಾವಿನ ಉಡುಗೊರೆ

ಯಲ್ಲಮ್ಮ ದೇವಸ್ಥಾನದ ಹುಂಡಿಯಲ್ಲಿ ₹2.69 ಕೋಟಿ ಕಾಣಿಕೆ ಸಂಗ್ರಹ: ತಿಗಣೆಗಳ ಕಾಟದಿಂದ ಮುಕ್ತಿ ಕೋರಿ ಭಕ್ತನ ಪತ್ರ!

ಬೆಳಗಾವಿ : ಸವದತ್ತಿ ಯಲ್ಲಮ್ಮನ ಹುಂಡಿಯಲ್ಲಿ ಕೋಟ್ಯಂತರ ಕಾಣಿಕೆ; ತಿಗಣೆ ಕಾಟ ನಿವಾರಿಸುವಂತೆ ಭಕ್ತನ ವಿಶೇಷ ಪ್ರಾರ್ಥನೆ!

ಜಿಲ್ಲಾಡಳಿತದ ನಿಷೇಧದ ನಡುವೆಯೂ ರಾಷ್ಟ್ರೀಯ ಹೆದ್ದಾರಿಗೆ ನುಗ್ಗಿದ ರೈತರು