ಬೆಳಗಾವಿ : ಸವದತ್ತಿ ಯಲ್ಲಮ್ಮನ ಹುಂಡಿಯಲ್ಲಿ ಕೋಟ್ಯಂತರ ಕಾಣಿಕೆ; ತಿಗಣೆ ಕಾಟ ನಿವಾರಿಸುವಂತೆ ಭಕ್ತನ ವಿಶೇಷ ಪ್ರಾರ್ಥನೆ!

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಬೆಳಗಾವಿ : ಸವದತ್ತಿ ಯಲ್ಲಮ್ಮನ ಹುಂಡಿಯಲ್ಲಿ ಕೋಟ್ಯಂತರ ಕಾಣಿಕೆ; ತಿಗಣೆ ಕಾಟ ನಿವಾರಿಸುವಂತೆ ಭಕ್ತನ ವಿಶೇಷ ಪ್ರಾರ್ಥನೆ!

ಬೆಳಗಾವಿ : ಸವದತ್ತಿಯ ಪ್ರಸಿದ್ಧ ಯಲ್ಲಮ್ಮನ ದೇವಸ್ಥಾನದಲ್ಲಿ ನಡೆದ ಹುಂಡಿ ಕಾಣಿಕೆ ಎಣಿಕೆ ವೇಳೆ ಭಕ್ತರು ಸಮರ್ಪಿಸಿದ ಅಪಾರ ಪ್ರಮಾಣದ ಹಣ ಹಾಗೂ ಆಭರಣಗಳು ಸಂಗ್ರಹವಾಗಿವೆ. ಇದರ ನಡುವೆ, ಮನೆಯಲ್ಲಿನ ತಿಗಣೆಗಳ ಕಾಟ ತಪ್ಪಿಸುವಂತೆ ದೇವಿಯಲ್ಲಿ ಮನವಿ ಮಾಡಿಕೊಂಡಿರುವ ಭಕ್ತನೊಬ್ಬನ ಪತ್ರವೂ ಪತ್ತೆಯಾಗಿದ್ದು, ಈ ವಿಭಿನ್ನ ಹರಕೆ ಇದೀಗ ಕುತೂಹಲಕ್ಕೆ ಕಾರಣವಾಗಿದೆ.

ಬೆಳಗಾವಿ ಜಿಲ್ಲೆಯ ಸವದತ್ತಿ ತಾಲೂಕಿನ ಯಲ್ಲಮ್ಮನ ಗುಡ್ಡದಲ್ಲಿರುವ ದೇವಸ್ಥಾನದ ಹುಂಡಿ ಎಣಿಕೆಯಲ್ಲಿ 2.34 ಕೋಟಿ ರೂಪಾಯಿ ನಗದು ದೊರೆತಿದೆ. ಅಲ್ಲದೆ, 26.95 ಲಕ್ಷ ರೂಪಾಯಿ ಮೌಲ್ಯದ ಚಿನ್ನಾಭರಣ ಹಾಗೂ 7.32 ಲಕ್ಷ ರೂಪಾಯಿ ಮೌಲ್ಯದ ಬೆಳ್ಳಿ ವಸ್ತುಗಳನ್ನು ಭಕ್ತರು ಕಾಣಿಕೆಯಾಗಿ ಸಲ್ಲಿಸಿದ್ದಾರೆ. ಒಟ್ಟಾರೆ ಕಾಣಿಕೆಯ ಮೌಲ್ಯ 2.69 ಕೋಟಿ ರೂಪಾಯಿಗೂ ಅಧಿಕವಾಗಿದೆ.

ಹುಂಡಿಯಲ್ಲಿದ್ದ ಹಣ ಮತ್ತು ಆಭರಣಗಳ ಎಣಿಕೆ ನಡೆಯುತ್ತಿದ್ದ ವೇಳೆ ಭಕ್ತನೊಬ್ಬ ಬರೆದಿದ್ದ ಮನವಿ ಪತ್ರವೊಂದು ಸಿಬ್ಬಂದಿಯ ಗಮನ ಸೆಳೆದಿದೆ. ತನ್ನ ಮನೆಯಲ್ಲಿ ತಿಗಣೆಗಳ ಕಾಟ ಹೆಚ್ಚಾಗಿದ್ದು, ಅವುಗಳನ್ನು ಸಂಪೂರ್ಣವಾಗಿ ತೊಲಗಿಸುವಂತೆ ಯಲ್ಲಮ್ಮನಲ್ಲಿ ಪ್ರಾರ್ಥಿಸಿದ್ದಾನೆ. ಮನೆಯಿಂದ ತಿಗಣೆಗಳು ದೂರವಾದರೆ ದೇವಸ್ಥಾನಕ್ಕೆ ಆಗಮಿಸಿ ಹಣ್ಣು-ಕಾಯಿ ಒಡೆದು ಹರಕೆ ಸಲ್ಲಿಸುವುದಾಗಿ ಪತ್ರದಲ್ಲಿ ಭಕ್ತ ತಿಳಿಸಿದ್ದಾನೆ.

ಭಕ್ತನ ಈ ಮನವಿ ಪತ್ರದಲ್ಲಿ, 'ಅಮ್ಮ, ನಮ್ಮ ಮನೆಯಿಂದ ತಿಗಣೆಗಳು ಹೋಗಬೇಕು. ಎಲ್ಲ ತಿಗಣೆಗಳು ತೊಲಗಲಿ. ನಿನ್ನ ದೇವಸ್ಥಾನಕ್ಕೆ ಬಂದು ಹಣ್ಣು-ಕಾಯಿ ಒಡೆದು ಹರಕೆ ತೀರಿಸುತ್ತೇನೆ' ಎಂದು ಬರೆಯಲಾಗಿದೆ. ಸಾಮಾನ್ಯವಾಗಿ ಜೀವನದ ಸಂಕಷ್ಟಗಳು, ಆರೋಗ್ಯ ಮತ್ತು ಕುಟುಂಬದ ಒಳಿತಿಗಾಗಿ ಭಕ್ತರು ದೇವರಿಗೆ ಪತ್ರ ಬರೆಯುವುದು ಕಂಡುಬರುತ್ತದೆ. ಆದರೆ ಮನೆಯ ತಿಗಣೆಗಳ ಸಮಸ್ಯೆ ನಿವಾರಣೆಗೆ ಪ್ರಾರ್ಥಿಸಿರುವ ಈ ಪತ್ರ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ.

Edited By :

PublicNext

05/11/2026 10:25 am

ಬೆಳಗಾವಿ : ಸವದತ್ತಿ ಯಲ್ಲಮ್ಮನ ಹುಂಡಿಯಲ್ಲಿ ಕೋಟ್ಯಂತರ ಕಾಣಿಕೆ; ತಿಗಣೆ ಕಾಟ ನಿವಾರಿಸುವಂತೆ ಭಕ್ತನ ವಿಶೇಷ ಪ್ರಾರ್ಥನೆ!

ಸಂಬಂಧಿತ ಸುದ್ದಿ

‘ರಾಮಾಯಣ’ ಪ್ರೀಮಿಯರ್‌ನಲ್ಲಿ ಅತ್ತೆ–ಸೊಸೆಯ ಮಿಂಚು: ನೀತು ಕಪೂರ್ ಜೊತೆ ಕಣ್ಮನ ಸೆಳೆದ ಆಲಿಯಾ ಭಟ್

ದೀಪಾವಳಿ ಪಾರ್ಟಿಯಲ್ಲಿ ಉರ್ಫಿ ಜಾವೇದ್ 'ಫ್ಯಾಷನ್ ಧಮಾಕಾ': ನಯಾ ಲುಕ್‌ಗೆ ಬೆರಗಾದ ನೆಟ್ಟಿಗರು

ಬೆಳಗಾವಿ: ₹2.68 ಕೋಟಿ ದರೋಡೆ ಕೇಸ್; ನಾಲ್ಕೇ ದಿನಗಳಲ್ಲಿ ಭೇದಿಸಿದ ಮೂಡಲಗಿ ಪೊಲೀಸರು

ಹಸುಗಳನ್ನು ಸಾಗಿಸುತ್ತಿದ್ದ ಗೂಡ್ಸ್ ವಾಹನ ಪಲ್ಟಿ; ಒಂದು ಹಸು ಸಾವು, ನಾಲ್ಕಕ್ಕೆ ಗಾಯ

ಪಬ್ಲಿಕ್ ನೆಕ್ಸ್ಟ್‌ನ ಬೆಳವಣಿಗೆಯ ಹಾದಿಯಲ್ಲಿ ಮತ್ತೊಂದು ಮೈಲಿಗಲ್ಲು – ನೂತನ ಕಚೇರಿಯ ಶುಭಾರಂಭ!

‘ರಾಮಾಯಣ’ ಪ್ರೀಮಿಯರ್‌ನಲ್ಲಿ ಅತ್ತೆ–ಸೊಸೆಯ ಮಿಂಚು: ನೀತು ಕಪೂರ್ ಜೊತೆ ಕಣ್ಮನ ಸೆಳೆದ ಆಲಿಯಾ ಭಟ್

ಯಲ್ಲಮ್ಮ ದೇವಸ್ಥಾನದ ಹುಂಡಿಯಲ್ಲಿ ₹2.69 ಕೋಟಿ ಕಾಣಿಕೆ ಸಂಗ್ರಹ: ತಿಗಣೆಗಳ ಕಾಟದಿಂದ ಮುಕ್ತಿ ಕೋರಿ ಭಕ್ತನ ಪತ್ರ!

ಬೆಳಗಾವಿ : ದೀಪಾವಳಿಗೆ ಮನೆಗೆ ಬರುತ್ತೇನೆ ಎಂದಿದ್ದ ಮಗನ ಬದಲು ಬಂತು ಮೃತದೇಹ ; ಅರುಣ ಸಾಳುಂಕೆ ತಂದೆಯ ಕಣ್ಣೀರು!

ಅಥಣಿ : ಮಾನವೀಯತೆ ಮರೆತ ಮಾತೃಹೃದಯವೇ? ಬೀದಿ ನಾಯಿಗಳ ಪಾಲಾದ ಹಸುಗೂಸು!

ಬೆಳಗಾವಿ : ಮಾಜಿ ಸಚಿವ, ಸಂಸದ ಶಿವಾನಂದ ಕೌಜಲಗಿ ನಿಧನ

ನವರಾತ್ರಿ ಮಹಾ ಚಂಡಿಕಾಯಾಗ ಪೂರ್ಣಾಹುತಿ : ನಾಡಿನ ಸುಖ, ಶಾಂತಿ, ಸಮೃದ್ಧಿಗಾಗಿ ಪ್ರಾರ್ಥನೆ