ಚಿಕ್ಕಬಳ್ಳಾಪುರ: ರಾಜಕಾಲುವೆ ಗುರುತಿಸಿ ಹೊಲಗಳಿಗೆ, ಮನೆಗಳಿಗೆ ದಾರಿ ಮಾಡಿಕೊಡಲು ಮನವಿ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಚಿಕ್ಕಬಳ್ಳಾಪುರ: ರಾಜಕಾಲುವೆ ಗುರುತಿಸಿ ಹೊಲಗಳಿಗೆ, ಮನೆಗಳಿಗೆ ದಾರಿ ಮಾಡಿಕೊಡಲು ಮನವಿ

ಚಿಂತಾಮಣಿ: ರಾಜ ಕಾಲುವೆ ಒತ್ತುವರಿಯಾಗಿದ್ದನ್ನು ಕೂಡಲೇ ಗುರ್ತಿಸಿ ಬಿಡಿಸಿಕೊಟ್ಟು ರೈತರ ಹೊಲಗಳಿಗೆ ಹಾಗೂ ಮನೆಗಳಿಗೆ ಹೋಗಲು ದಾರಿ ಮಾಡಿಕೊಡುವಂತೆ ಮುನಿವೆಂಕಟಪ್ಪರವರು ಮನವಿ ಮಾಡಿದರು.

ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಚಿಂತಾಮಣಿ ತಾಲ್ಲೂಕಿನ ಬ್ಯಾಲಹಳ್ಳಿಯಿಂದ ಕೃಷ್ಣಾಪುರ ಗ್ರಾಮಕ್ಕೆ ಹೋಗುವ ರಾಜ ಕಾಲುವೆ ಬಿಡಿಸಿಕೊಡಿ. ಸರ್ವೆ ನಂ:17*1 ರಲ್ಲಿ ರೈತರ ಮನೆಗಳು ಇದ್ದು ಮಳೆಗಾಲದಲ್ಲಿ ಆ ಮನೆಗಳಿಗೆ ಹೋಗಿ ಬರಲು ದಾರಿ ಇಲ್ಲದಂತಾಗುತ್ತದೆ. ಹಾಗೆಯೇ ಮಳೆಗಾಲದಲ್ಲಿ ರೈತರ ಮಕ್ಕಳು ಶಾಲೆಗೆ ಹೋಗಿ ಬರಲು ಹರಸಹಾಸ ಪಡಬೇಕಾಗುತ್ತದೆ.

ಇನ್ನು ಕೃಷಿ ಚಟುವಟಿಕೆಗಳು ಮಾಡಲು ದಾರಿ ಇಲ್ಲದೆ ಇರುವ ಕಾರಣಕ್ಕೆ ಬಹಳ ತೊಂದರೆಯಾಗುತ್ತಿದೆ. ಈ ಕೂಡಲೇ ತಾಲ್ಲೂಕು ದಂಡಾಧಿಕಾರಿಗಳು ಮುನೇಶ್ವರ ದೇವಸ್ಥಾನದಿಂದ ರೈತ ಮುನಿ ವೆಂಕಟಪ್ಪರವರ ಮನೆವರೆಗೆ ದಾರಿ ಮಾಡಿಕೊಟ್ಟು ರಾಜ ಕಾಲುವೆಯನ್ನು ಈ ಕೂಡಲೇ ಬಿಡಿಸಿ ಕೊಡಬೇಕೆಂದು ಆಗ್ರಹಿಸಿದರು.

ವರದಿ : ಚಿಕ್ಕತೇಕಹಳ್ಳಿ ಡಿ.ಶಿವಕುಮಾರ್, ಪಬ್ಲಿಕ್ ನೆಕ್ಸ್ಟ್ ಚಿಕ್ಕಬಳ್ಳಾಪುರ

Edited By :