ಚಿತ್ರದುರ್ಗ: ಇ- ಸ್ವತ್ತು ಮಾಡಿಕೊಡೋಕೆ ಹಣ ಕೊಡಬೇಕಂತೆ…! ಲಂಚ ಕೊಡದಿದ್ರೆ ಇ-ಸ್ವತ್ತು ಸಿಗೋದೆ ಇಲ್ಲ…!
ಚಿತ್ರದುರ್ಗ: ಗ್ರಾಮ ಪಂಚಾಯಿತಿಯಲ್ಲಿ ಗ್ರಾಮ ಅಭಿವೃದ್ಧಿ ಮಾಡಬೇಕಿದ್ದ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಯೇ ಇ -ಸ್ವತ್ತು ಮಾಡಿಕೊಡಲು ಹಣಕ್ಕೆ ಬೇಡಿಕೆ ಇಡುತ್ತಾನೆ. ಇಲ್ಲಾಂದ್ರೆ ಈ ಗ್ರಾಮ ಪಂಚಾಯಿತಿಯಲ್ಲಿ ಇ -ಸ್ವತ್ತು ಆಗೋದೇ ಇಲ್ಲ.
ಇಂತಹ ಆರೋಪ ಕೇಳಿ ಬಂದಿರೋದು ದೇವರಡ್ಡಿಹಳ್ಳಿ ಗ್ರಾಮ ಪಂಚಾಯಿತಿಯಲ್ಲಿ. ಚಿತ್ರದುರ್ಗ ಜಿಲ್ಲೆಯ ಮೊಳಕಾಲ್ಮೂರು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ ಗ್ರಾಮ ಪಂಚಾಯಿತಿ ಪಿಡಿಒ ಆಗಿರುವ ವೇದವ್ಯಾಸಲೂ ಮೇಲೆ ಈಗ ಭೋಗನಹಳ್ಳಿ ಗ್ರಾಮಸ್ಥರಿಂದ ಇ- ಸ್ವತ್ತಿಗೆ ಹಣ ಕೇಳುತ್ತಾರೆ ಎನ್ನುವ ಆರೋಪ ಕೇಳಿ ಬಂದಿದೆ....
ಇ - ಸ್ವತ್ತಿಗಾಗಿ ಗ್ರಾಮ ಪಂಚಾಯಿತಿಯಲ್ಲಿ ಹಣ ಪಡೆಯುತ್ತಿರುವ ವಿಡಿಯೋ ಈಗ ಎಲ್ಲೆಡೆ ವೈರಲ್ ಆಗಿದೆ. ಅಷ್ಟೇ ಅಲ್ಲದೇ ಈ ಪಿಡಿಒ ಗ್ರಾಮ ಪಂಚಾಯಿತಿಗೆ ಒಳಪಡುವ ಆರು ಗ್ರಾಮಗಳಿಗೆ ಹೋಗಲ್ವಂತೆ. ಅಲ್ಲಿನ ಸಮಸ್ಯೆ ಬಗ್ಗೆ ಕೇಳೋದೆ ಇಲ್ವಂತೆ. ಗಡಿ ಗ್ರಾಮಗಳಲ್ಲಿ ಶುದ್ಧವಾದ ಕುಡಿಯುವ ನೀರು ಇಲ್ಲ. ಗ್ರಾಮ ಪಂಚಾಯಿತಿಗಳಲ್ಲಿ ಚರಂಡಿ ವ್ಯವಸ್ಥೆ ಇಲ್ಲ, ಬೀದಿ ದೀಪ ವ್ಯವಸ್ಥೆ ಇಲ್ಲ, ಅಷ್ಟೇ ಅಲ್ಲದೇ 14ನೇ ಹಣಕಾಸಿನಲ್ಲಿ ಹಣ ದುರುಪಯೋಗ ಮಾಡಿಕೊಂಡಿದ್ದಾನೆ ಎಂದು ಪಿಡಿಓ ಮೇಲೆ ಆರೋಪ ಕೇಳಿ ಬಂದಿದೆ.
PublicNext
27/06/2025 09:07 am
ಸಂಬಂಧಿತ ಸುದ್ದಿ
LOADING...
