ಧಾರವಾಡ : ಆತ್ಮಹತ್ಯೆ ಮಾಡಿಕೊಂಡ ರೈತನ ಮನೆಗೆ ತವನಪ್ಪ ಅಷ್ಟಗಿ ಭೇಟಿ, ವೈಯಕ್ತಿಕ ಪರಿಹಾರ ವಿತರಣೆ
ಧಾರವಾಡ : ಸಾಲ ತೀರಿಸಲಾಗದೇ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಯುವ ರೈತನ ಕುಟುಂಬಕ್ಕೆ ಭೇಟಿ ನೀಡಿದ ಜಿಲ್ಲಾ ಪಂಚಾಯ್ತಿ ಮಾಜಿ ಸದಸ್ಯ ಹಾಗೂ ಕಾಂಗ್ರೆಸ್ ಮುಖಂಡ ತವನಪ್ಪ ಅಷ್ಟಗಿ ಅವರು ಯುವ ರೈತನ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದರು.
ಅಡಿವೆಪ್ಪ ಊರ್ಫ ಸಂಜು ಯಮೋಜಿ ಎಂಬ ಉಪ್ಪಿನ ಬೆಟಗೇರಿ ಗ್ರಾಮದ ರೈತ ವಿವಿಧ ಫೈನಾನ್ಸ್ ಹಾಗೂ ಕೆವಿಜಿ ಬ್ಯಾಂಕ್‌ನಲ್ಲಿ ಕೃಷಿ ಚಟುವಟಿಕೆಗಾಗಿ ಸಾಲ ಮಾಡಿಕೊಂಡಿದ್ದ. ತಮಗಿದ್ದ 1 ಎಕರೆ ಜಮೀನನ್ನೇ ನಂಬಿಕೊಂಡಿದ್ದ ರೈತನಿಗೆ ಈ ಬಾರಿಯ ಅತಿವೃಷ್ಟಿಯಿಂದ ಬೆಳೆ ಹಾಳಾಗುವಂತೆ ಮಾಡಿದೆ.
ಇದರಿಂದ ಮನನೊಂದ ಅಡಿವೆಪ್ಪ ನಿನ್ನೆಯಷ್ಟೇ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಈ ಸಂಬಂಧ ಗರಗ ಠಾಣೆಯಲ್ಲಿ ದೂರು ಸಹ ದಾಖಲಾಗಿದೆ. ವಿಷಯ ತಿಳಿದು ಇಂದು ಯಮೋಜಿ ಅವರ ನಿವಾಸಕ್ಕೆ ಪತ್ನಿ ಕಸ್ತೂರಿ ಅವರ ಸಮೇತ ಬಂದ ತವನಪ್ಪ ಅಷ್ಟಗಿ ಅವರು, ಯುವ ರೈತನ ಕುಟುಂಬಸ್ಥರಿಗೆ ಸಾಂತ್ವನ ಹೇಳುವುದರ ಜೊತೆಗೆ ವೈಯಕ್ತಿಕ ಪರಿಹಾರ ಸಹ ನೀಡಿದರು.
ಗ್ರಾಮ ಪಂಚಾಯ್ತಿ ಅಧ್ಯಕ್ಷ ಬಸೀರ್ ಅಹ್ಮದ್ ಮಾಳಗಿಮನಿ, ಮಾಜಿ ಅಧ್ಯಕ್ಷ ಮಹಾವೀರ ಅಷ್ಟಗಿ ಸೇರಿದಂತೆ ಇತರರು ಈ ಸಂದರ್ಭದಲ್ಲಿದ್ದರು.
Kshetra Samachara
28/06/2025 02:43 pm
ಸಂಬಂಧಿತ ಸುದ್ದಿ
LOADING...
