ಚಿಕ್ಕಮಗಳೂರು: ಎಸ್ಬಿಐ ಯೋನೋ ಮತ್ತು ಆರ್ಟಿಒ ಹೆಸರಿನ ನಕಲಿ ಆಪ್ಗಳ ಬಗ್ಗೆ ಪೊಲೀಸರ ಎಚ್ಚರಿಕೆ!
ಚಿಕ್ಕಮಗಳೂರು: ಜಿಲ್ಲಾ ಪೊಲೀಸರು ಆಂಡ್ರಾಯ್ಡ್ ಸ್ಮಾರ್ಟ್ಫೋನ್ ಬಳಕೆದಾರರಿಗೆ ಹರಡುತ್ತಿರುವ 'ಗಾಡ್ ಮೋಡ್' ಎಂಬ ಅಪಾಯಕಾರಿ ಮಾಲ್ವೇರ್ ಬಗ್ಗೆ ಗಂಭೀರ ಎಚ್ಚರಿಕೆ ನೀಡಿದ್ದಾರೆ.
ಈ ಮಾಲ್ವೇರ್ ಎಸ್ಬಿಐ ಯೋನೋ, ಆರ್ಟಿಒ ಚಾಲನ್ ಮತ್ತು ಡಿಜಿಟಲ್ ಲೈಫ್ ಸರ್ಟಿಫಿಕೇಟ್ಗಳಂತಹ ಅಧಿಕೃತ ಆಪ್ಗಳ ರೂಪದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಬಳಕೆದಾರರು ಇವುಗಳನ್ನು ಡೌನ್ಲೋಡ್ ಮಾಡಿದ ತಕ್ಷಣ ಅಕ್ಸೆಸಿಬಿಲಿಟಿ ಅನುಮತಿಗಳನ್ನು ಪಡೆದುಕೊಂಡು ಫೋನ್ ಹಾಗೂ ಬ್ಯಾಂಕ್ ಖಾತೆಗಳ ಮೇಲೆ ಸಂಪೂರ್ಣ ನಿಯಂತ್ರಣ ಸಾಧಿಸುತ್ತವೆ. ಈ ಹಿನ್ನೆಲೆಯಲ್ಲಿ ಸಾರ್ವಜನಿಕರು ಕೇವಲ ಗೂಗಲ್ ಪ್ಲೇ ಸ್ಟೋರ್ನಿಂದ ಮಾತ್ರ ಆಪ್ಗಳನ್ನು ಇನ್ಸ್ಟಾಲ್ ಮಾಡಬೇಕು ಮತ್ತು ವಾಟ್ಸಾಪ್ ಅಥವಾ ಎಸ್ಎಮ್ಎಸ್ ಮೂಲಕ ಬರುವ ಅಪರಿಚಿತ ಎಪಿಕೆ ಲಿಂಕ್ಗಳನ್ನು ಕ್ಲಿಕ್ ಮಾಡಬಾರದು ಎಂದು ಸೂಚಿಸಲಾಗಿದೆ. ಒಂದು ವೇಳೆ ಮೊಬೈಲ್ನಲ್ಲಿ ಅನುಮಾನಾಸ್ಪದ ಚಟುವಟಿಕೆ ಕಂಡುಬಂದಲ್ಲಿ ಕೂಡಲೇ ಸೈಬರ್ ಹೆಲ್ಪ್ಲೈನ್ ಸಂಖ್ಯೆ 1930 ಅಥವಾ www.cybercrime.gov.in ಮೂಲಕ ದೂರು ದಾಖಲಿಸುವಂತೆ ಜಿಲ್ಲಾ ಪೊಲೀಸ್ ಇಲಾಖೆ ತಿಳಿಸಿದೆ.
PublicNext
03/04/2026 01:31 pm
ಸಂಬಂಧಿತ ಸುದ್ದಿ
LOADING...
