ಧಾರವಾಡ: ಶಿವಮೊಗ್ಗದ ಹರ್ಷಾ ಕೊಲೆ ಆರೋಪಿಗಳಿಂದ ಧಾರವಾಡ ಕಾರಾಗೃಹದ ವಾರ್ಡರ್ ಮೇಲೆ ಹಲ್ಲೆ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಧಾರವಾಡ: ಶಿವಮೊಗ್ಗದ ಹರ್ಷಾ ಕೊಲೆ ಆರೋಪಿಗಳಿಂದ ಧಾರವಾಡ ಕಾರಾಗೃಹದ ವಾರ್ಡರ್ ಮೇಲೆ ಹಲ್ಲೆ

ಧಾರವಾಡ: ಶಿವಮೊಗ್ಗದ ಬಜರಂಗದಳ ಕಾರ್ಯಕರ್ತ ಹರ್ಷಾ ಕೊಲೆ ಆರೋಪಿಗಳು ಧಾರವಾಡದ ಕೇಂದ್ರ ಕಾರಾಗೃಹದ ವಾರ್ಡರ್ ಮೇಲೆ ಹಲ್ಲೆ ನಡೆಸಿರುವ ಘಟನೆ ಬೆಳಕಿಗೆ ಬಂದಿದೆ.

2022ರಲ್ಲಿ ಶಿವಮೊಗ್ಗದಲ್ಲಿ ಬಜರಂಗದಳ ಕಾರ್ಯಕರ್ತ ಹರ್ಷಾ ಅವರ ಕೊಲೆ ನಡೆದಿತ್ತು. ಈ ಕೊಲೆಗೆ ಸಂಬಂಧಿಸಿದ ಎ1 ಪ್ರಮುಖ ಹಾಗೂ ಎ2 ಆರೋಪಿಗಳನ್ನು ಧಾರವಾಡದ ಕೇಂದ್ರ ಕಾರಾಗೃಹದಲ್ಲಿರಿಸಲಾಗಿದೆ.

ಈ ಆರೋಪಿಗಳು ತಮ್ಮನ್ನು ಸೆಲ್‌ನಿಂದ ಹೊರಗಡೆ ಬಿಡುವಂತೆ ಜೈಲು ವಾರ್ಡರ್ ಕಿರಣ್ ಘೋರ್ಪಡೆ ಎಂಬುವವರ ಮೇಲೆ ವಾಗ್ವಾದ ನಡೆಸಿ ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ. ಈ ವಿಚಾರ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ಅವರ ಗಮನಕ್ಕೂ ಇದ್ದು, ಈ ಸಂಬಂಧ ಪ್ರಕರಣ ದಾಖಲಾಗಿದ್ದು ವಿಚಾರಣೆ ನಡೆಸಿ ಅಂತಿಮ ವರದಿ ಸಲ್ಲಿಸಲಾಗುವುದು ಎಂದಿದ್ದಾರೆ.

ಆರೋಪಿಗಳಿಂದ ಹಲ್ಲೆಗೊಳಗಾದ ವಾರ್ಡರ್ ಕಿರಣ್ ಘೋರ್ಪಡೆ ಅವರನ್ನು ಧಾರವಾಡದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಈ ಸಂಬಂಧ ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪದಡಿ ಉಪನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ.

Edited By :