ಹೋಟೆಲ್ನಲ್ಲಿ ಊಟ ಮಾಡಿ ಬಿಲ್ ಕೊಡದೇ ಎಸ್ಕೇಪ್ ಆದ ಕುಟುಂಬ; ವಿಡಿಯೋ ವೈರಲ್
ಮೆಕ್ಸಿಕೋ: ಹೋಟೆಲ್ಗೆ ಬಂದು ಹೊಟ್ಟೆ ತುಂಬಾ ಉಂಡು, ಬಿಲ್ ಪಾವತಿಸದೆಯೇ ಇಡೀ ಕುಟುಂಬವೊಂದು ಜಾಣತನದಿಂದ ಜಾಗ ಖಾಲಿ ಮಾಡಿರುವ ಆಘಾತಕಾರಿ ಘಟನೆಯೊಂದು ಮುನ್ನೆಲೆಗೆ ಬಂದಿದೆ.
ಸ್ಥಳೀಯ ‘ಪೊಜೊಲೇರಿಯಾ ಎಲ್ ಜೀನ್’ (Pozoleria El Gene) ಎಂಬ ರೆಸ್ಟೋರೆಂಟ್ನಲ್ಲಿ ಈ ಘಟನೆ ನಡೆದಿದ್ದು, ಇದರ ಸಿಸಿ ಟಿವಿ ದೃಶ್ಯಾವಳಿಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿವೆ.
ನಡೆದಿದ್ದೇನು?
ರೆಸ್ಟೋರೆಂಟ್ಗೆ ಬಂದ ಕುಟುಂಬವೊಂದು ತಮಗೆ ಬೇಕಾದ ಆಹಾರವನ್ನು ಆರ್ಡರ್ ಮಾಡಿ ಸೇವಿಸಿದೆ. ಆದರೆ, ಬಿಲ್ ಪಾವತಿಸುವ ಸಮಯ ಹತ್ತಿರವಾಗುತ್ತಿದ್ದಂತೆ, ಕುಟುಂಬದ ಸದಸ್ಯರು ಒಬ್ಬೊಬ್ಬರಾಗಿ ಹೋಟೆಲ್ನಿಂದ ಹೊರಗೆ ಹೋಗಲು ಆರಂಭಿಸಿದ್ದಾರೆ. ಕೊನೆಯದಾಗಿ ಉಳಿದುಕೊಂಡಿದ್ದ, ಆ ಕುಟುಂಬದ ಮುಖ್ಯಸ್ಥ ಎನ್ನಲಾದ ವ್ಯಕ್ತಿಯಂತೂ ಯಾರಿಗೂ ತಿಳಿಯದಂತೆ ಹೋಟೆಲ್ನಿಂದ ದಿಢೀರನೆ ಓಡಿ ಪರಾರಿಯಾಗಿದ್ದಾನೆ!
ಗ್ರಾಹಕರ ಈ ವರ್ತನೆಯಿಂದ ಕಂಗೆಟ್ಟ ಹೋಟೆಲ್ ಮಂಡಳಿ, ಸಿಸಿ ಟಿವಿ ದೃಶ್ಯಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುವ ಮೂಲಕ ಅವರ ಬೇಜವಾಬ್ದಾರಿತನವನ್ನು ಸಾರ್ವಜನಿಕವಾಗಿ ಬಯಲಿಗೆಳೆದಿದೆ. ನೆಟ್ಟಿಗರು ಈ ಕುಟುಂಬದ ನಡೆಗೆ ತೀವ್ರ ಆಕ್ಷೇಪ ವ್ಯಕ್ತಪಡಿಸುತ್ತಿದ್ದಾರೆ.
PublicNext
13/06/2026 05:41 pm
ಸಂಬಂಧಿತ ಸುದ್ದಿ
LOADING...
