‘ಲಾಲ್ಬಾಗ್ಚಾ ರಾಜ’ನ ಸನ್ನಿಧಿಯಲ್ಲಿ ಅಂಬಾನಿ ಕುಟುಂಬ: ಗಣೇಶನ ಚರಣಕ್ಕೆ ಮಣಿದ ಮುಕೇಶ್, ಅನಂತ್ ಮತ್ತು ರಾಧಿಕಾ
ಮುಂಬೈ: ಗಣೇಶೋತ್ಸವದ ಸಂಭ್ರಮದಲ್ಲಿ ಮುಳುಗಿರುವ ವಾಣಿಜ್ಯ ನಗರಿ ಮುಂಬೈನಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಕೇಶ್ ಅಂಬಾನಿ ಕುಟುಂಬದವರು ಭಕ್ತಿಭಾವ ಮೆರೆದಿದ್ದಾರೆ. ಮುಂಬೈನ ಐತಿಹಾಸಿಕ ಹಾಗೂ ಜಗತ್ಪ್ರಸಿದ್ಧ 'ಲಾಲ್ಬಾಗ್ಚಾ ರಾಜ' (Lalbaugcha Raja) ಗಣಪತಿಯ ಪೆಂಡಾಲ್ಗೆ ಮುಕೇಶ್ ಅಂಬಾನಿ, ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಹಾಗೂ ಸೊಸೆ ರಾಧಿಕಾ ಮರ್ಚೆಂಟ್ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿ, ವಿಘ್ನವಿನಾಶಕನ ಆಶೀರ್ವಾದ ಪಡೆದುಕೊಂಡಿದ್ದಾರೆ.
ಪಾರಂಪರಿಕ ಉಡುಗೆಯಲ್ಲಿ ಆಗಮಿಸಿದ ಅಂಬಾನಿ ಕುಟುಂಬವು ಗಣಪತಿಯ ದರ್ಶನ ಪಡೆದು ಪ್ರಾರ್ಥನೆ ಸಲ್ಲಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ. ಮುಕೇಶ್ ಅಂಬಾನಿ ಹಾಗೂ ನವದಂಪತಿ ಅನಂತ್-ರಾಧಿಕಾ ತದೇಕಚಿತ್ತದಿಂದ ಗಣೇಶನ ಪಾದ ಮುಟ್ಟಿ ನಮಸ್ಕರಿಸಿದ್ದು ಭಕ್ತರ ಗಮನ ಸೆಳೆದಿದೆ. ತಮ್ಮ ನಿವಾಸ ಆಂಟಿಲಿಯಾದಲ್ಲಿ ಅದ್ದೂರಿಯಾಗಿ ಗಣೇಶೋತ್ಸವ ಆಚರಿಸಿದ ಬೆನ್ನಲ್ಲೇ ಅಂಬಾನಿ ಕುಟುಂಬವು ಸಾರ್ವಜನಿಕ ಪೆಂಡಾಲ್ನಲ್ಲಿ ಗಣಪನ ದರ್ಶನ ಪಡೆದು ಭಕ್ತಿ ಮೆರೆದಿದೆ.
PublicNext
18/09/2026 01:24 pm
ಸಂಬಂಧಿತ ಸುದ್ದಿ
LOADING...
