ಮುಖವಾಡವಿಲ್ಲದ ಮನಸ್ಸಿಗೆ ದೇವರೇ ಆಸರೆ : ಸತತ ಟ್ರೋಲಿಂಗ್ನಿಂದ ನೊಂದು ದೇವರೆದುರು ಬಿಕ್ಕಿ ಬಿಕ್ಕಿ ಅತ್ತ ಚಾಹಲ್ ಮಾಜಿ ಪತ್ನಿ
ಮುಂಬೈ : ಜಗತ್ತಿನ ಕಣ್ಣಿಗೆ ಸದಾ ನಗುಮುಖ, ಮಾತಿನಲ್ಲಿ ಗಟ್ಟಿತನ, ಬದುಕಿನಲ್ಲಿ ಧೈರ್ಯ ಪ್ರದರ್ಶಿಸುವ ಎಷ್ಟೋ ಜನರ ನಗುವಿನ ಹಿಂದೆ ಯಾರಿಗೂ ಕಾಣದ ಕಣ್ಣೀರಿನ ಕಥೆಯಿರುತ್ತದೆ. ಎಲ್ಲರ ಮುಂದೆ 'ನಾನು ಚೆನ್ನಾಗಿದ್ದೇನೆ' ಎಂದು ನಟಿಸುತ್ತಾ ನೋವನ್ನು ತಾವೇ ನುಂಗಿಕೊಳ್ಳುವ ಅನೇಕರಿಗೆ ಭಗವಂತನ ಸನ್ನಿಧಿಯೊಂದೇ ಕೊನೆಯ ನೆಮ್ಮದಿಯ ತಾಣವಾಗುತ್ತಿದೆ.
ಯಾರ ಮುಂದೆಯೂ ಬಿಚ್ಚಿಡಲಾಗದ ನೋವು, ಯಾರಿಗೂ ಅರ್ಥವಾಗದ ಭಾವನೆಗಳು ದೇವರ ಮುಂದೆ ನಿಂತ ಕ್ಷಣ ಮೌನವಾಗಿಯೇ ಕಣ್ಣೀರಾಗಿ ಹೊರಹೊಮ್ಮುತ್ತವೆ. ಅಲ್ಲಿ ಯಾವುದೇ ಮುಖವಾಡಗಳಾಗಲಿ, ತೋರ್ಪಡಿಕೆಯಾಗಲಿ ಅಗತ್ಯವಿರುವುದಿಲ್ಲ. ಜಗತ್ತು ವ್ಯಕ್ತಿಯ ಮಾತು ಮತ್ತು ನಗುವನ್ನು ಮಾತ್ರ ಗಮನಿಸಿದರೆ, ಭಗವಂತ ಮಾತ್ರ ಮೌನದ ಹಿಂದಿನ ಕಣ್ಣೀರನ್ನು ಅರಿಯಬಲ್ಲ ಎಂಬ ಅಚಲ ನಂಬಿಕೆ ಭಕ್ತರಲ್ಲಿದೆ.
ಸದ್ಯ ಭಾರತೀಯ ಕ್ರಿಕೆಟರ್ ಯುಜ್ವೇಂದ್ರ ಚಾಹಲ್ ಅವರ ಮಾಜಿ ಪತ್ನಿ, ಖ್ಯಾತ ನೃತ್ಯ ನಿರ್ದೇಶಕಿ ಧನಶ್ರೀ ವರ್ಮಾ ಗಣೇಶ ವಿಸರ್ಜನೆಯ ವೇಳೆ ಭಾವುಕರಾಗಿ ಕಣ್ಣೀರಿಟ್ಟಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದೆ.
ಚಾಹಲ್ ಅವರಿಂದ ವಿಚ್ಛೇದನ ಪಡೆದ ನಂತರ ಸಾಮಾಜಿಕ ಜಾಲತಾಣಗಳಲ್ಲಿ ನಿರಂತರ ಸೈಬರ್ ಟ್ರೋಲಿಂಗ್ಗೆ ಒಳಗಾಗುತ್ತಿರುವ ಧನಶ್ರೀ, ಗಣೇಶನ ವಿಸರ್ಜನಾ ಮಹೋತ್ಸವದಲ್ಲಿ ಪಾಲ್ಗೊಂಡಿದ್ದಾಗ ಕಣ್ಣೀರಾಗಿದ್ದಾರೆ. 'ಹಣಕ್ಕಾಗಿ ವಿವಾಹ', 'ನಡತೆ ಸರಿಯಿಲ್ಲ' ಎಂಬಿತ್ಯಾದಿ ಹೀನಾಯ ಆರೋಪಗಳು ಮತ್ತು ನಕಾರಾತ್ಮಕ ಕಾಮೆಂಟ್ಗಳಿಂದ ನೊಂದಿದ್ದ ಅವರ ಮನಸ್ಸಿನ ತೊಳಲಾಟ, ವಿಘ್ನವಿನಾಶಕನ ಸನ್ನಿಧಿಯಲ್ಲಿ ಕಣ್ಣೀರಾಗಿ ಹೊರಹೊಮ್ಮಿದೆ ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ.
ಹೊರಜಗತ್ತಿಗೆ ಎಷ್ಟೇ ಧೈರ್ಯವಾಗಿ ಕಾಣಿಸಿಕೊಂಡರೂ, ಸತತ ವೈಯಕ್ತಿಕ ದಾಳಿಗಳು ವ್ಯಕ್ತಿಯೊಬ್ಬರ ಮಾನಸಿಕ ಸ್ಥಿತಿಯ ಮೇಲೆ ಅದೆಷ್ಟು ಪರಿಣಾಮ ಬೀರುತ್ತವೆ ಎಂಬುದಕ್ಕೆ ಈ ಘಟನೆ ಸಾಕ್ಷಿಯಾಗಿದೆ. ದೇವರೆದುರು ಕಣ್ಣೀರಿಟ್ಟ ಧನಶ್ರೀ ಅವರ ವಿಡಿಯೋ ವೈರಲ್ ಆಗುತ್ತಿದ್ದಂತೆ, ಹಲವು ಅಭಿಮಾನಿಗಳು ಅವರ ಪರವಾಗಿ ನಿಂತು "ವೈಯಕ್ತಿಕ ನೋವನ್ನು ಅರಿಯದೆ ಸಾರ್ವಜನಿಕವಾಗಿ ನಿಂದಿಸುವುದು ನಿಲ್ಲಲಿ" ಎಂದು ಟ್ರೋಲಿಗರಿಗೆ ಕಿವಿಮಾತು ಹೇಳುತ್ತಿದ್ದಾರೆ.
PublicNext
18/09/2026 03:00 pm
ಸಂಬಂಧಿತ ಸುದ್ದಿ
LOADING...
