ಕಾಡಿನ ಮಧ್ಯೆ 20 ಗಂಟೆ ಕಾಲ ಒಂಟಿ ಹೋರಾಟ - ಎರಡು ವರ್ಷದ ಕಂದಮ್ಮನ ಬದುಕುಳಿಯುವ ಅಪ್ರತಿಮ ಛಲ!

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಕಾಡಿನ ಮಧ್ಯೆ 20 ಗಂಟೆ ಕಾಲ ಒಂಟಿ ಹೋರಾಟ - ಎರಡು ವರ್ಷದ ಕಂದಮ್ಮನ ಬದುಕುಳಿಯುವ ಅಪ್ರತಿಮ ಛಲ!

ನವದೆಹಲಿ: ಕ್ರೌರ್ಯ ಮತ್ತು ಮಾನವೀಯ ಮೌಲ್ಯಗಳ ಕುಸಿತದ ನಡುವೆಯೂ, ಮನುಷ್ಯನ ಜನ್ಮಜಾತ ಬದುಕುವ ಹಠಕ್ಕೆ ಸಾಕ್ಷಿಯಾದ ಮನಕಲಕುವ ಘಟನೆಯೊಂದು ವರದಿಯಾಗಿದೆ. ಕ್ರೂರ ತಂದೆಯ ನಿರ್ಧಾರದಿಂದಾಗಿ ಕಾಡುಪ್ರಾಣಿಗಳಿರುವ ದಟ್ಟ ಅಡವಿಯಲ್ಲಿ ಸುಮಾರು 20 ಗಂಟೆಗಳ ಕಾಲ ಆಹಾರ, ನೀರು ಇಲ್ಲದೆ ಒಂಟಿಯಾಗಿ ಕಳೆದ ಎರಡು ವರ್ಷದ ಮಗು, ಸಾವನ್ನು ಗೆದ್ದು ಬಂದಿರುವ ಪವಾಡ ಸದೃಶ ಕಥೆ ಈಗ ಜಗತ್ತಿಗೆ ದೊಡ್ಡ ಪಾಠ ಕಲಿಸಿದೆ.

ಹಸಿದ ಪ್ರಾಣಿಗಳು ಸಂಚರಿಸುವ ಅಪಾಯಕಾರಿ ಅಡವಿಯಲ್ಲಿ, ಯಾವುದೇ ರಕ್ಷಣೆ ಅಥವಾ ಮಾರ್ಗದರ್ಶನವಿಲ್ಲದೆ ಈ ಪುಟ್ಟ ಕಂದಮ್ಮ ಸುಮಾರು 20 ಗಂಟೆಗಳ ಕಾಲ ಕಳೆದಿತ್ತು. ಹಸಿವು ಮತ್ತು ಬಾಯಾರಿಕೆಯಿಂದ ಬಳಲುತ್ತಿದ್ದರೂ, ಆ ಮಗು ಸೋಲೊಪ್ಪದೆ ಮುಂದೆ ಸಾಗುತ್ತಲೇ ಇತ್ತು. ಕೇವಲ ಎರಡು ವರ್ಷದ ವಯಸ್ಸಿನಲ್ಲಿ ಮಗು ತೋರಿದ ಈ ಧೈರ್ಯವು ಮಾನವನ ಮೂಲ ಪ್ರವೃತ್ತಿಯಾದ 'ಬದುಕುಳಿಯುವ ಹೋರಾಟ' (Survive Instinct) ಎಷ್ಟು ಪ್ರಬಲವಾಗಿದೆ ಎಂಬುದನ್ನು ಸಾಬೀತುಪಡಿಸಿದೆ. ಮಧ್ಯಪ್ರದೇಶದ ವಿದಿಶಾ-ರೈಸೇನ್ ಗಡಿಯ ದೂರದ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ.

ನಮ್ಮ ದೇಹ ಮತ್ತು ಮೆದುಳು ಸಂಕಷ್ಟದ ಸಮಯದಲ್ಲಿ ಹೋರಾಡಲು ಮೊದಲೇ ಸಿದ್ಧವಾಗಿರುತ್ತವೆ ಎಂಬುದಕ್ಕೆ ಈ ಮಗುವೇ ಸಾಕ್ಷಿ. ಪ್ರತಿಕೂಲ ಪರಿಸ್ಥಿತಿಗಳು ಎದುರಾದಾಗ ಮನುಷ್ಯನ ಒಳಗಿನ ಸುಪ್ತ ಚೈತನ್ಯ ಎಚ್ಚರಗೊಳ್ಳುತ್ತದೆ. ಈ ಪುಟಾಣಿ ಹಿರಿಯರಿಗೆ ಕಲಿಸಿದ ಪಾಠವೆಂದರೆ ಸಂಕಷ್ಟಗಳನ್ನು ಎದುರಿಸುವ ಶಕ್ತಿ (Resilience) ಯಾರೂ ಕಲಿಸಿಕೊಡುವ ಶಿಕ್ಷಣವಲ್ಲ, ಅದು ನಮ್ಮ ರಕ್ತದಲ್ಲೇ ಇರುವ ಗುಣ".

ಒಂದೆಡೆ ಮಗುವಿನ ಬದುಕುವ ಹಠ ಆಶಾದಾಯಕವಾಗಿದ್ದರೆ, ಇನ್ನೊಂದೆಡೆ ತಂದೆಯ ಕ್ರೌರ್ಯವು ಸಮಾಜ ಎತ್ತ ಸಾಗುತ್ತಿದೆ ಎಂಬ ಆತಂಕವನ್ನು ಮೂಡಿಸಿದೆ. ಸಂಬಂಧಗಳ ಪವಿತ್ರತೆ ಮತ್ತು ಮಾನವೀಯ ಮೌಲ್ಯಗಳು ಕುಸಿಯುತ್ತಿರುವ ಈ ಕಾಲಘಟ್ಟದಲ್ಲಿ, ತನ್ನದೇ ರಕ್ತವನ್ನು ಕಾಡಿನ ಪಾಲು ಮಾಡಿದ ತಂದೆಯ ನಡೆ ಅಕ್ಷಮ್ಯ. ಸಮಾಜದಲ್ಲಿ ನೈತಿಕ ಅಧಃಪತನ ಯಾವ ಮಟ್ಟ ತಲುಪಿದೆ ಎನ್ನುವುದಕ್ಕೆ ಈ ಘಟನೆ ಕನ್ನಡಿ ಹಿಡಿದಂತಿದೆ.

Edited By :