ಸಿಸಿಟಿವಿಯಲ್ಲಿ ಸೆರೆಯಾದ ದಿಟ್ಟತನ: ಇಟ್ಟಿಗೆಯಿಂದಲೇ ದರೋಡೆಕೋರರನ್ನು ಓಡಿಸಿದ ವೀರ
ಪಂಜಾಬ್ನ ಪಠಾಣ್ಕೋಟ್ನಲ್ಲಿ ನಡೆದ ಬೀದಿ ದರೋಡೆ ಪ್ರಕರಣವೊಂದು ಇದೀಗ ದೇಶಾದ್ಯಂತ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಬೈಕ್ನಲ್ಲಿ ಬಂದ ಇಬ್ಬರು ದರೋಡೆಕೋರರು ವ್ಯಕ್ತಿಯೊಬ್ಬರನ್ನು ಅಡ್ಡಗಟ್ಟಿ, ಮೊಬೈಲ್ ಫೋನ್ ಹಾಗೂ 5 ಸಾವಿರ ರೂಪಾಯಿ ನಗದು ಕಸಿದು ಪರಾರಿಯಾಗಿದ್ದರು. ಆದರೆ, ಸಿನಿಮೀಯ ರೀತಿಯಲ್ಲಿ ನಡೆದ ಈ ಘಟನೆಯಲ್ಲಿ ಬಲಿಪಶುವೇ ದರೋಡೆಕೋರರ ವಿರುದ್ಧ ತಿರುಗಿಬಿದ್ದಿದ್ದು, ಇಡೀ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಅಂಗಡಿಯಿಂದ ಮನೆಗೆ ತೆರಳುತ್ತಿದ್ದ ವೇಳೆ ಆರೋಪಿಗಳು ಬೈಕ್ ಕೀಲಿಯನ್ನೇ ಕಿತ್ತುಕೊಂಡು ದರೋಡೆ ನಡೆಸಿದ್ದಾರೆ. ಬಳಿಕ ಮನೆ ಕಡೆ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯ ಬಳಿ ಮತ್ತೆ ಬಂದ ದರೋಡೆಕೋರರನ್ನು ಕಂಡ ಬಲಿಪಶು, ಧೈರ್ಯದಿಂದ ಎದುರಿಸಲು ಮುಂದಾಗಿದ್ದಾನೆ. ಹತ್ತಿರದಲ್ಲಿದ್ದ ಇಟ್ಟಿಗೆಯನ್ನು ಎತ್ತಿ ಬೈಕ್ಗೆ ಎಸೆದ ಪರಿಣಾಮ ಓರ್ವ ಆರೋಪಿಯು ನೆಲಕ್ಕುರುಳಿದ್ದಾನೆ.
ನಂತರ ರಸ್ತೆಯ ಮಧ್ಯದಲ್ಲೇ ಭಾರೀ ಗಲಾಟೆ ನಡೆದಿದೆ. ಇದೇ ವೇಳೆ ಆರೋಪಿಗಳಲ್ಲಿ ಒಬ್ಬ ‘ದಾತರ್’ ಎಂಬ ಹರಿತವಾದ ಆಯುಧ ತೋರಿಸಿ ಬೆದರಿಕೆ ಹಾಕಿದ್ದರೂ, ಧೃತಿಗೆಡದ ವ್ಯಕ್ತಿ ಮತ್ತೆ ಇಟ್ಟಿಗೆ ಎಸೆದು ಪ್ರತಿರೋಧ ತೋರಿಸಿದ್ದಾನೆ. ಗಾಯಗೊಂಡ ಆರೋಪಿಗಳು ಅಲ್ಲಿಂದ ಪರಾರಿಯಾಗಿದ್ದು, ಇದೀಗ ಸಿಸಿಟಿವಿ ದೃಶ್ಯಾವಳಿ ಆಧರಿಸಿ ಪೊಲೀಸರು ತೀವ್ರ ಶೋಧ ಕಾರ್ಯ ಆರಂಭಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಈ ವಿಡಿಯೋ ನೋಡಿ, ಬಲಿಪಶುವಿನ ಸಾಹಸಕ್ಕೆ ಜನ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
PublicNext
26/05/2026 11:15 pm
ಸಂಬಂಧಿತ ಸುದ್ದಿ
LOADING...
