ಭಾರೀ ಮಳೆ ಐದು ಅಂತಸ್ತಿನ ಕಟ್ಟಡ ಕುಸಿತ : ವಿಡಿಯೋ ವೈರಲ್
ಶಿಮ್ಲಾ : ಹಿಮಾಚಲ ಪ್ರದೇಶದಲ್ಲಿ ಭಾರಿ ಮಳೆಯಿಂದಾಗಿ ಶಿಮ್ಲಾದಲ್ಲಿ ಐದು ಅಂತಸ್ತಿನ ಕಟ್ಟಡ ಕುಸಿದಿದೆ, ಅದೃಷ್ಟವಶಾತ್ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಹೌದು ಹಿಮಾಚಲ ಪ್ರದೇಶದಲ್ಲಿ ವರುಣನ ಅಬ್ಬರದಿಂದಾಗಿ ಭೂಕುಸಿತ ಉಂಟಾಗಿದೆ. ಇದರಿಂದ ಐದು ಅಂತಸ್ತಿನ ಕಟ್ಟಡ ನೆಲಕ್ಕುರುಳಿದೆ. ಭೂಕುಸಿತದ ಮುನ್ಸೂಚನೆ ಇದ್ದ ಕಾರಣ ಈಗಾಗಲೇ ಕಟ್ಟಡದಲ್ಲಿದ್ದವರನ್ನು ಸ್ಥಳಾಂತರಿಸಲಾಗಿತ್ತು.
ಇನ್ನೂ ಶಿಮ್ಲಾದ ಚಾಮಿಯಾನ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಗೆ ಹೋಗುವ ರಸ್ತೆಯಲ್ಲಿರುವ ಮಾಥು ಕಾಲೋನಿಯಲ್ಲಿ ಈ ಕಟ್ಟಡ ಕುಸಿದಿದೆ. ಶನಿವಾರದ ಮಳೆಯಿಂದ ಭೂಮಿ ಕುಸಿತದ ಸಂಭವ ಸಿಕ್ಕಿತ್ತು. ಇದರಿಂದ ಭಾನುವಾರ ರಾತ್ರಿಯೇ ಕಟ್ಟಡವನ್ನು ಖಾಲಿ ಮಾಡಲಾಗಿತ್ತು. ಸೋಮವಾರ ಬೆಳಿಗ್ಗೆ 8.15 ರ ಸುಮಾರಿಗೆ ಕಟ್ಟಡ ಕುಸಿದಿದೆ ಎಂದು ಕಟ್ಟಡದ ಮಾಲೀಕ ರಂಜನಾ ವರ್ಮಾ ಹೇಳಿದ್ದಾರೆ.
ಜೂನ್ 20 ರಿಂದ 29 ರವರೆಗೆ ಮಳೆಯಿಂದ 20 ಜನರು ಸಾವನ್ನಪ್ಪಿದ್ದಾರೆ ಮತ್ತು ರಸ್ತೆಗಳು ಬಂದ್ ಆಗಿವೆ. ಹವಾಮಾನ ಇಲಾಖೆ ರೆಡ್ ಅಲರ್ಟ್ ಘೋಷಿಸಿದ್ದು, ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ.
PublicNext
30/06/2025 03:40 pm
ಸಂಬಂಧಿತ ಸುದ್ದಿ
LOADING...
