ಚಾಮರಾಜನಗರ : ಕೊಳ್ಳೇಗಾಲದಲ್ಲಿ ಪೆಟ್ರೋಲ್ ಖರೀದಿಸಲು ಮುಗಿಬಿದ್ದ ವಾಹನ ಸವಾರರು
ಚಾಮರಾಜನಗರ : ಕೊಳ್ಳೇಗಾಲ ಪಟ್ಟಣದಲ್ಲಿ ಪೆಟ್ರೋಲ್ ಸಿಗುವುದಿಲ್ಲ ಎಂಬ ಸುಳ್ಳು ವದಂತಿಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಡಿದೆ. ಈ ವದಂತಿಯಿಂದ ಪ್ರೇರಿತರಾದ ನೂರಾರು ವಾಹನ ಸವಾರರು ಮತ್ತು ಸಾರ್ವಜನಿಕರು ಪಟ್ಟಣದ ವಿವಿಧ ಪೆಟ್ರೋಲ್ ಬಂಕ್ಗಳತ್ತ ಮುಗಿಬಿದ್ದು, ಪೆಟ್ರೋಲ್ ಖರೀದಿಗೆ ಧಾವಿಸಿದ್ದಾರೆ. ಪೆಟ್ರೋಲ್ ಲಭ್ಯತೆಯ ಕುರಿತ ಈ ವದಂತಿಯು ಸಾರ್ವಜನಿಕರಲ್ಲಿ ಭಾರೀ ಆತಂಕ ಸೃಷ್ಟಿಸಿದೆ.
ಅಧಿಕಾರಿಗಳಿಂದ ಸ್ಪಷ್ಟನೆ : ಸಾಕಷ್ಟು ಸ್ಟಾಕ್ ಲಭ್ಯ
ಎಲ್ಪಿಜಿ ಗ್ಯಾಸ್ಗೆ ಉಂಟಾದ ಸಮಸ್ಯೆಯಂತೆಯೇ ಪೆಟ್ರೋಲ್ಗೂ ಕೊರತೆ ಎದುರಾಗಬಹುದು ಎಂಬ ಆತಂಕದಿಂದ ಜನರು ಪೆಟ್ರೋಲ್ ಬಂಕ್ಗಳ ಮುಂದೆ ಜಮಾಯಿಸಿದ್ದರು. ಆದರೆ, ಪೆಟ್ರೋಲ್ ಲಭ್ಯವಿದ್ದು, ಸಾಕಷ್ಟು ಪ್ರಮಾಣದಲ್ಲಿ ಸಂಗ್ರಹವಿದೆ ಎಂದು ಜಿಲ್ಲಾಡಳಿತದ ಅಧಿಕಾರಿಗಳು ಮತ್ತು ಪೆಟ್ರೋಲ್ ಬಂಕ್ ಸಿಬ್ಬಂದಿ ಸ್ಪಷ್ಟಪಡಿಸಿದ್ದಾರೆ. ಸಾರ್ವಜನಿಕರು ಯಾವುದೇ ವದಂತಿಗಳಿಗೆ ಕಿವಿಗೊಡಬಾರದು ಎಂದು ಅವರು ಮನವಿ ಮಾಡಿದ್ದಾರೆ.
PublicNext
21/03/2026 04:01 pm
ಸಂಬಂಧಿತ ಸುದ್ದಿ
LOADING...
